US politics live updates- 17.37
ඇමෙරිකානු කොංග්‍රසයට කඩාවැදීමට තම හිතවාදීන් පෙළඹවීම නිසා, ඇමෙරිකානු ජනාධිපති ඩොනල්ඩ් ට්‍රම්ප් ඉතිරි දින කිහිපයත් ධුරයේ නොතබා බලයෙන් පහ කිරීම ගැන දේශපාලන නායකයන් පිරිසක් සාකච්ඡා කර ඇතැයි ඇමෙරිකානු මාධ්‍ය වාර්තා කර තිබේ.
ජනාධිපතිවරණ ප්‍රථිපලය ගැන ව්‍යාජ ප්‍රකාශ කිරීමත්, කොංග්‍රස් ගොඩනැගිල්ලට කඩාවදින ලෙස පුද්ගලයන්ට උපදෙස් දීමත් නිසා ධුරය තවදුරටත් දැරීමට ඔහු නුසුදුසු බවට තීන්දු කිරීම ගැන සලකා බලා ඇත.
ඒ සඳහා ක්‍රම දෙකක් ඇත. එකක් වන්නේ ව්‍යවස්ථාවේ 25 වගන්තිය යටතේ ඔහු නුසුදුසු බව තීන්දු කිරීමය. දෙවැන්න දෝෂාභියෝගයක් ගෙන ඒමය.
මේ වන විට කොංග්‍රස් සභික ඉල්හාම් ඕමාර් දෝෂාභියෝගයක් කෙටුම්පත් කරමින් සිටින බවත්, 25 වගන්තිය ගැන ඩිමොක්‍රටික් පාක්ෂිකයන් ගණනාවක් සාකච්ඡා කර ඇති බවත් වාර්තා වේ. ක්‍රම දෙකෙන් කුමක් ක්‍රියාත්මක කළද ජනවාරි 20 වැනිදා ජෝ බයිඩන් ධුරය බාරගන්නා තුරු උප ජනාධිපති මයික් පෙන්ස් ජනාධිපති විය යුතුය.
ඒ අනුව දැන් පවතින සාකච්ඡ ඉදිරියට ගියහොත් මයික් පෙන්ස් සතියක පමණ කාලයකට ඇමෙරිකානු ජනාධිපති වනු ඇත.
