හිටපු අගමැති ඉම්රාන් ඛාන්ගේ නායකත්වයෙන් යුත් ආණ්ඩුව බිද වැටීමෙන් පසු ඊට හමුදාව වගකිය යුතු බවට සමාජ මාධ්ය ඔස්සේ කෙරෙන ප්රචාර පකිස්තාන හමුදාව විසින් තරයේ ප්රතික්ෂේප කර තිබේ.
පකිස්තාන හමුදා ප්රකාශක මේජර් ජෙනරාල් බාබාර් ඉෆ්තිකාර් පැවසුවේ තමන්ට දේශපාලනය සමඟ කිසිදු සම්බන්ධයක් නොමැති බවයි.
හමුදා ප්රධානී ජෙනරාල් කමාර් ජාවෙඩ් බජ්වා සේවා දිගු කිරීමක් අපේක්ෂා නොකරන බවත් මේ වසරේ නොවැම්බර් 29 වැනිදා විශ්රාම ගන්නා බවත් ඔහු පවසා තිබේ.
පකිස්තාන හමුදාවට එරෙහි සමාජ මාධ්ය ව්යාපාරය නීති විරෝධී, දුරාචාර සහ ජාතික අවශ්යතාවලට එරෙහි බවත් එය සාර්ථක වීමට ඉඩ නොදෙන බවටත් හමුදා ප්රකාශකවරයා මෙහිදී අවධාරණය කර ඇත.
නව අගමැති ෂෙහ්බාස් ෂරීෆ් බලයට පත් වූ දිනයේ ජෙනරාල් බජ්වා අසනීපව සිටි බවත්, දිවුරුම් දීමේ උත්සවය මඟ හැරීමට සිදුවූයේ ඒ හේතුවෙන් බවත් ඔහු මෙහිදී පැවසීය.
දේශපාලන අර්බුදය පවතින අතරතුර ඊට විසඳුම් සෙවීම සඳහා හමුදා ප්රධානියා අගමැති කාර්යාලයට ගොස් අවස්ථා තුනකදී සාකච්ඡා කළ බවත් එහිදී වෙනත් කිසිදු බලපෑමක් සිදුනොවූ බවත් හමුදා ප්රකාශකවරයා මෙහිදී අනාවරණය කළේය.