‘දියමත විශේෂ මෙහෙයුමි බලඝනය’ (Special Waterborne Operations Squadron) නම් වූ නවතම අනු ඒකකයක් ශ්රී ලංකා පොලීසියේ විශේෂ කාර්ය බලකාය (Special Task Force) වෙත එක් කිරීම මහජන ආරක්ෂාව පිළිබඳ අමාත්ය රියර් අද්මිරාල් සරත් වීරසේකර මහතාගේ ප්රධානත්වයෙන් ඊයේ (09) සිදුකෙරුණා.
මෙහි ආරම්භක පියවරක් ලෙසින් ඊයේ දිනයේදී ‘Jet Ski’ ලෙසින් හැඳින්වෙන කුඩා අධිවේගි යාත්රා සහ අධිවේගී මෝටර් බෝට්ටු හැසිරවීමේ මනා පුහුණුවක් ලද විශේෂ කාර්ය බලකා භටයන් 16 දෙනෙකු මෙම බලඝනය වෙත එක් කෙරුණා.
මෙම සියලුම භටයන් ශ්රී ලංකා බල බෝට්ටු සංගමය (Lanka Powerboat Association) යටතේ සති දෙකක පූර්ණ විශේෂ පුහුණුවක් ලැබූවන් වන අතර ඒ සඳහා එක්සත් ජාතීන්ගේ මත්ද්රව්ය සහ අපරාධ පිළිබඳ ආයතනයේ (UNODC – United Nations Office on Drugs and Crime) සහයෝගයත් ලැබී තිබෙනවා.
රටතුළ ජල මාර්ග සහ ජලාශ ආශ්රිතව සිදුකෙරෙන නීතී විරෝධි ක්රියා මැඩපැවැත්වීම සඳහා අධිවේගී ප්රතිචාර ඒකකයක් ලෙසින් මෙම විශේෂ බලඝනය ඉදිරියේදී රට පුරාම ක්රියාත්මක වනු ඇති.
කෙසේ වෙතත් අදාළ උත්සවය පැවති අවස්ථාවේදී අමාත්ය සරත් වීරසේකර මහතා මුව ආවරණයක් පැළද නොසිටි ආකාරයද දක්නට ලැබුණා.
ඡායාරූප – රියාර් අද්මිරාල් සරත් වීරසේකර සමාජ මාධ්ය ඒකකය