අත්අඩංගුවට ගත් මොරටුව නගරාධිපතිවරයා වන සමන්ලාල් ප්රනාන්දු මොරටුව මහේස්ත්රාත් අධිකරනය වෙත ඉදිරිපත් කර තිබෙනවා.
ඒ, ඊයේ (28) මොරටුමුල්ල ප්රදේශයේ පැවති එන්නත්කරණ වැඩසටහන අතරතුර වෛද්යවරුන්ගේ රාජකාරියට බාධා කිරීම සහ නිරෝධායන නීති උල්ලංඝනය කිරීමේ චෝදනා මත ඉතා විශාල ජනතා විරෝධයක් ඔහුට එරෙහිව එල්ලවීමත් සමඟයි.
සමන්ලාල් ප්රනාන්දු අද උදෑසන නීතීඥවරයෙකු මාර්ගයෙන් ගල්කිස්ස පොලීසියට භාරවීමෙන් අනතුරුව පොලිසිය විසින් අත්අඩංගුවට ගත් බව පොලිස් මාධ්ය ප්රකාශක නියෝජ්ය පොලිස්පති අජිත් රෝහණ සඳහන් කළා.
කෙසේ වෙතත් ඊයේ ඇතිවූ උණුසුම්කාරී තත්වයෙන් අනතුරුව මාධ්ය අමතමින් සමන්ලාල් ප්රනාන්දු ප්රකාශ කර සිටියේ තමන්ගේ එන්නත්කරණ වැඩපිළිවෙල ජොන්ස්ටන් ප්රනාන්දු අමාත්යවරයාද අනුමත කරන බවයි.
සබැඳි ලිපි..