ශ්රී ලංකාවේ අමෙරිකානු නව තානාපති ලෙස Julie Jiyoon Chung මහත්මිය නම් කර තිබේ.
අමෙරිකානු ජනාධිපති ජෝ බයිඩන් මහතා විසින් නිවේදනයක් නිකුත් කරමින් ඊයේ මෙම නම් කිරීම සිදුකර ඇති බව ධවල මන්දිරය පවසයි.
Julie Jiyoon Chung මහත්මිය ශ්රී ලංකාවට අමතරව මාලදිවයිනේ ද තානාපතිනිය ලෙසද නම් කර තිබේ.
විදේශ සේවයේ ජ්යෙෂ්ඨ සාමාජිකාවක් වන ඇය අමත්යාංශ උපදේශකවරියක් ලෙස සහ අමෙරිකානු රාජ්ය දෙපාර්තමේන්තුවේ වැඩබලන සහකාර ලේකම්වරියක් ලෙසත් කටයුතු කරනු ලබයි.
මීට පෙර Julie Jiyoon Chung මහත්මිය කාම්බෝජය, තායිලන්තය, ඉරාකය, කොලොම්බියාව, වියට්නාමය, ජපානය සහ චීනය යන රටවල අමෙරිකානු තානාපති කාර්යාලවල විවිධ තනතුරු දරා ඇති බවයි පැවසෙන්නේ.