මහර බන්ධනාගාරයේ සිදු වූ කලහකාරී සිදුවීමකින් ඝාතනයට ලක්වූ රැඳවියන් පිළිබඳව වැලිසර මහේස්ත්‍රාත් අධිකරණයේදී දෙසැම්බර් 16 දින නඩුව කැඳවූ අවස්ථාවේදී රජය වෙනුවෙන් පෙනී සිටි රජයේ නීතිඥ නිශාර ජයරත්න අගතියට පත් පාර්ශවය වෙනුවෙන් පෙනී සිටි නීතිඥවරුන්ට ද්වේශ සහගත ලෙස වෘත්තීය ආචාර ධර්මවලට පටහැනිව ප්‍රකාශ සිදු කර ඇති බවත් .තමන්ගේ වෘත්තිය ගෞරවයට හානි වන ලෙස ඇය කටයුතු කර ඇති බවත් පවසමින් අදාල නීතිඥවරුන් අගවිනිසුරුවරයාට,නිතීපතිවරයාට සහ නීතිඥ සංගමයට ලිපියක් යවමින් දන්වා ඇත.
දෙසැම්බර් 17 වන දින අදාල ලිපිය යවා ඇත.
අදාල නඩු වාරය අතරතුරදී ‘NGOකාරයන්ට ඕනෑ හිටියට නඩු කළ නොහැකි බවත් තමන් පෙනී සිටින්නේ අගතියට පත් කවුරුන් වෙනුවෙන්ද යන්න ප්‍රශ්ණ කරමින් නීතිඥවරුන්ව අපගේ වෘත්තීය ආචාරධර්ම කඩ කරමින් අධිකරණය තුළ කටයුතු කර ඇති බවත් මෙම හැසිරීම් මාලාව යුක්තිය පසදැලීමේ ක්‍රියාවලියට කරනු ලබන දැඩි අගතියක් බවත් අදාල ලිපියේ සදහන් වී ඇත.
මේ ආකාරයේ ක්‍රියා ඉදිරියේදී සිදු නොවීම සදහා විීධිමත් විමර්ශණයක් සිදු කරන ලෙසත් අදාල ලිපියෙන් ඉල්ලා ඇත.
නීතිඥ සේනක පෙරේරා, නීතිඥ කේ.එස්. රතනවේල්,නීතඥ පාලිත බණ්ඩාර, නීතිඥ නාමල් රාජපක්ෂ, නීතිඥ අචලා සෙනවිරත්ත, නිතිඥ චුලා රත්නජීව අධිකාරී, නීතිඥ තම්බයියා ජේ. රත්නරාජා, නීතිඥ ලුතීෆ් සයිනූල් යන අය අදාල ලිපිය යවා ඇත.
