කරන්දෙණිය මහජන සෞඛ්ය පරීක්ෂක රොෂාන් කුමාර මහතාගේ ඝාතනය සම්බන්ධයෙන් මෙතෙක් කිසිදු තොරතුරක් හමු වී නොමැති බව මහජන ආරක්ෂක අමාත්ය ටිරාන් අලස් මහතා පවසනවා.
ලංකාදීප වෙත ප්රකාශයක් ලබා දෙමින් මහජන ආරක්ෂක අමාත්යවරයා සඳහන් කර ඇත්තේ එම ඝාතනයේ සැකකරුවන් අත්අඩංගුවට ගැනීමට විවිධ පැති ඔස්සේ දිගින් දිගටම විමර්ශන සිදු කරන බවයි.
මෙම ඝාතනයට සැකකරුවන් සෙවීමේ පරීක්ෂණ කටයුතු සඳහා පරීක්ෂණ නිලධාරී කණ්ඩායම් කිහිපයක්ම යොදවා ඇති බවද වාර්තා වෙනවා.
පසුගිය 26 වැනිදා කරන්දෙණිය මහජන සෞඛ්ය පරීක්ෂකවරයා ඇල්පිටිය දිවිතුරුගම නිවසේදී වෙඩි තබා ඝාතනය කෙරුණා.
යතුරුපැදියකින් පැමිණි දෙදෙනෙකු රොෂාන් කුමාර මහතාට වෙඩි තබා පලා ගොස් තිබුණා.
මේ අතර එම ඝාතනය සම්බන්ධයෙන් යම්කිසි තොරතුරක් දන්නේ නම් වහා ලබා දෙන්නැයි පොලිසිය මහජනතාවගෙන් ඉල්ලා සිටිනවා.