ජපානයේ ටෝකියෝ හි පැවැත්වෙන ඔලිම්පික් උළෙලේදී ඉන්දීය ක්‍රීඩකයන්ගේ නිල ඇදුම් අනුග්‍රාහකත්වය ලබාදී තිබුණේ ලී නින්ග් නම් චීන ක්‍රීඩා ඇදුම් සමාගමටයි.
ඒ අනුව ඉන්දීය ක්‍රීඩකයන්ගේ නිල ඇදුමේ ලී නින්ග් සන්නාමය ඇතුළත් කිරීමට කටයුතු යොදා තිබූ අතර අවසන් මොහොතේදී එය අත්හිටුවීමට ඉන්දීය ඔලිම්පික් කමිටුව තීරණය කර තිබේ.
පසුගිය වසරේ දේශසීමාවේ සිදුවූ ගැටුමකින් ඉන්දීය හමුදා සමාජිකයන් 20ක් පමණ මියයාමත් සමග දෙරට අතර නොසන්සුන්තාවයක් ඇතිවිය.
මේ සිදුවීම හේතුවෙන් ඉන්දීය පොදු ජනතාව චීනය කෙරෙහි කළකිරීමට පත්ව ඇති බවත් ඒ අනුව අදාළ තීරණය ගත් බවත් ඉන්දීය ඔලිම්පික් කමිටුව සදහන් කර තිබේ.
මේ තත්ත්වය තුළ ඉන්දීය ක්‍රීඩකයන් ටෝකියෝ ඔලිම්පික් උළෙලේදී කිසිදු සන්නාමයක් රහිත ඇදුම්වලින් සැරසී තරඟ කරනු ඇත.
