33 C
Colombo
Thursday, April 18, 2024

මිරිස්ස Coconut Tree Hill ඉඩමේ අනවසර වැට ගලවන්න නියෝග

- Advertisement -

දකුණු පළාතේ ඉහළ සංචාරක ආකර්ශනයක් දිනාගත් මිරිස්ස මුහුදට යාබදව පිහිටි රමණීය ස්ථානයක් වන Coconut Tree Hill ඉඩම පිළිබදව මේ වන විට බොහෝ දෙනෙක් අතර කතාබහක් ඇතිව තිබෙනවා.
ඒ මෙම ඉඩමේ එක් හිමිකරුවෙකු වන මිරිස්ස ප්‍රදේශයේ හෝටල් හිමිකරුවෙකු විසින් ඉඩම වෙන්කරමින් වැටක් ඉදිකිරීමත් සමගයි.

අදාල සිදුවීම සම්බන්ධයෙන් මාතර දිස්ත්‍රික් ලේකම් කාර්යාලයේදී අද (06) පස්වරුවේ සාකච්ඡාවක් පැවැත්වුණා.
මෙම සාකච්ඡාවට වෙරළ සංරක්ෂණ දෙපාර්තමේන්තුව, නාගරික සංවර්ධන අධිකාරිය, වැලිගම නගර සභාවේ සහ ප්‍රාදේශීය සභාවේ සභාපතිවරුන්, කොටවිල පොලීසියේ ස්ථානාධිපතිවරයා සහ ඉඩමේ එක් හිමිකාරී පාර්ශවයක්වන ආනන්ද නැමැති ව්‍යාපාරිකයා සහභාගී වූණා.

එම සාකච්ඡාවේදී වෙරළ සංරක්ෂණ දෙපාර්තමේන්තුව සදහන් කර ඇත්තේ මෙම ව්‍යාපාරිකයා අදාල වැට ඉදිකිරීමට පෙර වෙරළ සංරක්ෂණ දෙපාර්තමේන්තුවේ අවසර ගත යුතුව තිබූ බවයි.
මෙම ඉඩම මේ වන විට සංචාරක ස්ථානයක් ලෙස පවතින බැවින් මෙහි කිසියම් ඉදිකිරීමක් කිරීමට අවසර ලබාදිය නොහැකි බව වැලිගම ප්‍රාදේශීය සභාව පවසා තිබෙනවා.
එබැවින් මෙය සංචාරක ස්ථානයක් ලෙස සංවර්ධනය කිරීමට අදාල ඉඩමේ හිමිකරුවන් සාකච්ඡා කර එක් තීරණයකට පැමිණෙන ලෙසට නිලධාරීන් දැනුම්දී තිබෙනවා.
එහිදී ව්‍යාපාරිකයා පවසා ඇත්තේ මෙම ඉඩමේ හිමිකාරීත්වය පුද්ගලයන් සිවු දෙනෙකු අතර පවතින බවත් ඒ සදහා තීරණයක් ගැනීමට සතියක කාලයක් අවශ්‍ය බවයි.
මෙහිදී වෙරළ සංරක්ෂණ දෙපාර්තමේන්තුවේ නිලධාරීන් ව්‍යාපාරිකයාට දැනුම් දී ඇත්තේ අදාල අනවසර වැට වහාම එම ස්ථානයෙන් ඉවත් කරන ලෙසත් එසේ නොවන්නේ නම් අධිකරණ ක්‍රියාවලියක් දක්වා මෙම ගැටළුව දුරදිග යන බවයි.
මෙම ඉඩමට ප්‍රවේශවීමට තිබෙන මාර්ගය ව්‍යාපාරිකයාගේ ඉඩම හරහා වැටී ඇති බැවින් අදාල බාධක ඉවත්කර සංචාරකයන් හට ගමන් කිරීමට තාවකාලිකව ඉඩප්‍රස්ථාව ලබාදෙන ලෙසද මෙහිදී සාකච්ඡාවී තිබෙනවා.

වැඩිදුර කියවන්න

RECENT ARTICLES - SINHALA

එක්සත් ජාතීන්ගේ ඉහළ තනතුරකට ශ්‍රී ලාංකිකයෙක්

සංවර්ධනය වෙමින් පවතින රටවල් සඳහා උනන්දුව සපයන එක්සත් ජාතීන්ගේ මූල්‍ය ආයතනය වන එක්සත් ජාතීන්ගේ ප්‍රාග්ධන සංවර්ධන අරමුදලේ (UNCDF) විධායක ලේකම් ලෙස ශ්‍රී ලාංකික සම්භවයක්...

ශ්‍රී ලංකා කාන්තා ක්‍රිකට් පිලට කෝටියක මුදල් ත්‍යාගයක්

දකුණු අප්‍රිකාව පරාජය කරමින් ලෝක වාර්තාගත ජයක් ලැබූ ශ්‍රී ලංකා කාන්තා එක්දින ක්‍රිකට් කණ්ඩායමට රුපියල් කෝටියකට ආසන්න විශේෂ මුදල් ත්‍යායක් පිරිනැමීමට තීරණය කර ඇති...

බැඳුම්කර හිමියන් සමඟ සාකච්ඡාවලට IMF සහය

ජාත්‍යන්තර ස්වෛරී බැඳුම්කර හිමියන් සමඟ ශ්‍රී ලංකාවේ සාකච්ඡා සඳහා සහාය වීමට සූදානම් බව ජාත්‍යන්තර මූල්‍ය අරමුදල (IMF) පවසා තිබෙනවා. ජාත්‍යන්තර මූල්‍ය අරමුදලේ ප්‍රකාශකයෙකු සඳහන් කර...

POPULAR ARTICLES

සාමාන්‍ය පෙළ සිසුන්ට විශේෂ දැනුම් දීමක්

2023 /24 අධ්‍යයන පොදු සහතික පත්‍ර සාමාන්‍ය පෙළ විභාගයට පෙනී සිටින සිසුන් සඳහා විභාග ප්‍රවේශ පත්‍ර නිකුත් කිරීම ලබන සතියේ ආරම්භ කරන බව විභාග...

අද ඩොලරය

එක්සත් ජනපද ඩොලරයට සාපේක්ෂව ශ්‍රී ලංකා රුපියල අද (15) ස්ථාවර මට්ටමක පවතිනවා. ශ්‍රී ලංකා මහ බැංකුව විසින් අද දින නිකුත් කරන ලද දෛනික විනිමය අනුපාතික...

සෞඛ්‍ය අංශවලින් දැනුම් දීමක්

උත්සව සමයේ සෞඛ්‍ය කාර්ය මණ්ඩලවල පූර්ණ කැපවීම හා දායකත්වය යටතේ රෝගී සත්කාරක සේවා කාර්යක්ෂමව හා අඛණ්ඩව පවත්වාගෙන යාම සඳහා පියවර ගෙන ඇති බව සෞඛ්‍ය...