දකුණු පළාතේ දැඩි සංචාරක ආකර්ශනයක් දිනාගත් මිරිස්ස මුහුදට යාබදව පිහිටි රමණීය ස්ථානයක් වන Coconut Tree Hill ඉඩම පිළිබදව සමාජ මාධ්‍ය තුළ දැඩි කතාබහක් ඇතිව තිබෙනවා.
ඒ එම ඉඩම වෙනවන ආකාරයෙන් වැටක් ඉදිකර සංචාරකයන්ට එම ස්ථානයට ඇතුළුවීමට නොහැකි පරිදි අවහිර කර තිබීම පිළිබදවයි.
මේ පිළිබදව News 19 සිදුකල සොයා බැලීමේදී අනාවරණය වුණේ අදාල ඉඩමේ මෙම වැට ඊයේ (05) දිනයේ ඉදිකර ඇති බවයි.
මෙම සම්පූර්ණ ඉඩම පුද්ගලයන් දෙදෙනෙකුගේ හිමිකාරීත්වයට යටත්වනවා.
එයින් එක් කොටසක් මිරිස්සේ ප්‍රසිද්ධ හෝටල් හිමියෙකු වන ආනන්ද නැමැති අයෙකුට අයත් වන අතර අනෙක් කොටස විදේශිකයෙකුට අයත්.
විදේශිකයාට අයත් කොටස බලා කියාගැනීමට කුරුණෑගල ප්‍රදේශයේ පුද්ගලයෙකු විදේශිකයා යොදවා තිබෙනවා.
කෙසේ වෙතත් මෙම ඉඩම සම්බන්දයෙන් පසුගියදා ආරවුලක් ඇතිවී එය නීතිමය ක්‍රියාමාර්ග ගැනීම දක්වා දුරදිග ගියා.
ඒ මිරිස්සේ හෝටල් හිමියා මෙම ඉඩමේ ඔහුට අයත් නොවන කොටසකද පොල් පැල සිටුවීම සදහා පොල් වලවල් කිහිපයක් කපා තිබීම හේතුවෙන්.
මේ සම්බන්ධයෙන් ඉඩමේ අනෙක් හිමිකම් පාර්ශවය මාතර – කොටවිල පොලීසිය වෙත පැමිණිල්ලක්ද සිදුකර තිබෙනවා.
ඒ අනුව මේ ආරවුල හේතුවෙන් මිරිස්සේ ඉඩම් හිමිකරු ඉඩමේ තමන්ගේ කොටස වෙන්වන ආකාරයෙන් වැටක් ඉදිකිරීමටද කටයුතු කර ඇති බවයි වාර්තාවන්නේ.
නමුත් ඉඩමේ අනෙක් පාර්ශවය පවසන්නේ එම වැටද තමන්ගේ ඉඩමේ කොටසක්ද අහිමිවන පරිදි ඉදිකර ඇති අනවසර ඉදිකිරීමක් බවයි.
මේ සම්බන්ධයෙන් වන පැමිණිලි විභාගය අද පස්වරුවේ කොටවිල පොලීසියේදී සිදුකිරීමට නියමිත වනවා.
කෙසේ වෙතත් මෙම ඉඩම් ආරවුල හේතුවෙන් මෙරට දේශීය සංචාරකයන් මෙන්ම විදේශීය සංචාරකයන්ගේද වැඩි ආකර්ශනයක් දිනාගත් ස්වභාවික මනස්කාන්ත භූමියක් මෙලෙස විනාශයට පත්ව තිබීම කණගාටුවට කරුණක්.
ඉඩම පෙර පැවති ආකාරය
