ඔක්සිජන් මත යැපෙන කොවිඩ් රෝගීන්ගේ සංඛ්යාව 75%කින් ඉහළ ගොස් ඇති බව සෞඛ්ය අමාත්යාංශයේ දත්තවල දැක්වෙනවා.
ඩෙල්ටා ප්රභේදයේ ව්යාප්තිය හේතුවෙන් රෝහල්වල ධාරිතාවද ඉක්මවා යමින් වාර්තා වන දෛනික ආසාදිතයින් ගණන ඉහළ යාමත් සමග ගෙවුණු දින 10ක කාලය තුළ ඔක්සිජන් මත යැපෙන සංඛ්යාව මෙසේ ශ්රීඝ්රයෙන් ඉහළ ගොස් ඇති බවයි පැවසෙන්නේ.
ජූලි මස 19 වනදා සිට ජූලි 28 වනදා දක්වා දින 10ක කාල සීමාවේ ඔක්සිජන් මත යැපෙන රෝගීන්ග සංඛ්යාව දෛනිකව 227 ත් 409 ත් අතර පරාසයක පැවැති නමුත් ජූලි 29 වනදා සිට අගොස්තු 07 වනදා දක්වා දින 10 තුළ එම සංඛ්යාව 441 ත් 602 ත් අතර පරාසයක් දක්වා වර්ධනය වී ඇත.
මේ සම්බන්ධයෙන් අදහස් දක්වමින් සෞඛ්ය සේවා අධ්යක්ෂ ජනරාල්, වෛද්ය අසේල ගුණවර්ධන මහතා පවසා සිටියේ මීට පෙර පැවති තත්ත්වයට වඩා ඔක්සිජන් ලබාදීමේ අවශ්යතාව වැඩිවී ඇති නමුත් ඔක්සිජන් හිඟයක් නොමැති බවයි.
සෞඛ්ය සේවා අධ්යක්ෂ ජනරාල්වරයා මෙසේ පැවසුවද ඖෂධ සැපයුම් රාජ්ය අමාත්ය චන්න ජයසුමන මහතා පසුගිය 05වනදා පාර්ලිමේන්තුව අමතමින් ප්රකාශ කර සිටියේ මේ වන විට මෙරට නිෂ්පාදනය කරන ඔක්සිජන් ප්රමාණය මුළුමනින්ම පාහේ රෝගීන්ගේ අවශ්යතාවට යොදාගන්නා තත්වයට පත්ව ඇති බවත් අවශ්යවන ඔක්සිජන් ප්රමාණය ඉන්දියාවෙන් සහ සිංගප්පූරුවෙන් ආනයනය කිරීමට සිදුව ඇති බවත් ය.
