තවත් වසරක් සඳහා ඇමරිකානු ඩොලර් බිලියන 2 ක SAFE ( State Administration of Foreign Exchange – විදේශ විනිමය පිළිබඳ රාජ්ය පරිපාලනය) තැන්පතු ආපසු ලබා දෙන ලෙස පාකිස්ථානය චීනයෙන් ඉල්ලා ඇති බව වාර්තා වේ.
ප්රවෘත්ති වාර්තාවන්ට අනුව, පකිස්ථානය සහ IMF දෙපාර්ශවය අතර කාර්ය මණ්ඩල මට්ටමේ ගිවිසුමක් ඇති කර ගැනීම සඳහා අතථ්ය රැස්වීමක් පසුගියදා පැවැත්වීය.
පකිස්ථානයේ මුදල් අමාත්යාංශය සහ පකිස්ථාන රාජ්ය බැංකුව (SBP) අඩුවෙමින් පවතින විදේශ විනිමය සංචිතය ජුනි මාසය වන විට ඩොලර් බිලියන 10 සීමාව දක්වා ඉහළ නැංවීමේ අරමුණින් සකස් කළ බාහිර මූල්යකරණ සැලැස්ම ජාත්යන්තර මූල්ය අරමුදල වෙත ඉදිරිපත් කර තිබේ.
IMF වැඩසටහනේ පුනර්ජීවනය, චීනයේ SAFE තැන්පතු ඩොලර් බිලියන 2 දක්වා ආපසු ලබා ගැනීම ඇතුළුව, හැකි සෑම මාර්ගයකින්ම අවශ්ය ඩොලර් අරමුදල් වැඩි කිරීමට පාකිස්තානය වෙත ඉඩ ලබා දෙන බව රජයේ ඉහළ පෙලේ නිල ආරංචි මාර්ග උපුටා දක්වමින් මාධ්ය වාර්තා කර ඇත.
ප්රවෘත්ති වාර්තාවට අනුව සියලු දැඩි ක්රියාමාර්ග ක්රියාත්මක කරන අතර, දෙපාර්ශවයම රාජ්ය මට්ටමේ ගිවිසුම අත්සන් කිරීමට පියවර ගත යුතු බව පාකිස්තාන පාර්ශවය IMF වෙත දැනුම් දී තිබේ.
පසුගිය සතියේ, ජාත්යන්තර මූල්ය අරමුදල විසින් නියම කරන ලද කොන්දේසිවලට අනුකූලව, පකිස්ථාන රාජ්ය බැංකුව විසින් පොලී අනුපාතිකය පදනම් ලකුණු 300කින්, වාර්තාගත ඉහළ මට්ටමක් වන සියයට 20 දක්වා ඉහළ නංවනු ලැබීය. එය 1996 ඔක්තෝබර් මාසයෙන් පසු වාර්තා වූ ඉහළ පොලී අනුපාතිකයයි.