පකිස්තානයේ ජනමාධ්‍යවේදීන්ට එරෙහි තර්ජන සහ මර්දනය කැපීපෙනෙන ලෙස ඉහළ ගොස් ඇති බව වාර්තා වේ.
පකිස්තාන ජනමාධ්‍ය පදනම නිකුත් කළ වාර්තාවක දැක්වෙන්නේ ජනමාධ්‍යවේදීන් එරෙහිව අන්තර්ජාලය ඔස්සේ සිදුකෙරෙන මර්දනකාරී ප්‍රචාරක වැඩපිලිවෙළ කැපී පෙනන ලෙස වැඩිවී ඇති බවයි.
ඇතැම් පිරිස් විසින් සංවිධානාත්මකව මෙම අන්තර්ජාල තර්ජන මෙහෙවන බවද එම පදනම නිකුත් කළ වාර්තාවක දැක්වේ.
විශේෂයෙන් කාන්තා ජනමාධ්‍යවේදිනියන් ඉලක්ක කරගෙන මෙම වැඩපිළිවෙළ ක්‍රියාත්මක වන බව ද එහි දැක්වේ.
මේ සම්බන්ධයෙන් අදාළ බලධාරීන් දැනුවත් කර ඇතත් ඊට එරෙහිව නිසි ක්‍රියාමාර්ග අනුගමනය නොකරන බවට පකිස්තාන ජනමාධ්‍ය පදනම චෝදනා කරයි.
