ගමට ගිය විට ආණ්ඩු පක්ෂයේ මැති ඇමතිවරුන්ට ජනතාව හූ කියන බවට පවතින මතය සම්පූර්ණයෙන්ම අසත්‍යයක් බව මහමාර්ග අමාත්‍ය ජොන්ස්ටන් ප්‍රනාන්දු මහතා පවසනවා.
ඒ බිබිල සිට චෙන්කලාඩි දක්වා කි.මි 87 ක මාර්ග කොටස සංවර්ධනය කොට ජනතා අයිතියට පත් කිරීමේ උත්සවයට ඊයේ (28) දින සහභාගී වෙමින්.
අදාල ප්‍රචාරය විපක්ෂය විසින් සිදු කළ අසත්‍ය ප්‍රචාරයක් බවත් තමන් කිසිඳු ගැටළුවකින් තොරව ඈත ගම්මනවලටද යන බවත් අමාත්‍යවරයා පවසනවා.
එමෙන්ම, එන්නත්කරණය සම්බන්ධයෙන් අදහස් දක්වමින් ඔහු පවසන්නේ කොවිඩ් වසංගතයෙන් ජනතාව බේරාගත් නායකයෙක් වශයෙන් ජනාධිපතිවරයා ඉතිහාසගත වන බවයි.
එමෙන්ම, එන්නත්කරණයට විපක්ෂයෙන් කිසිඳු සහයෝගයක් නොලද බවත් ජනතා විමුක්ති පෙරමුණේ සහ සමගි ජනබලවේගයේ නායකවරුන් එන්නත ලබාගත්තද පක්ෂයේ අනෙක් පිරිස් වලට ඒ සම්බන්ධයෙන් දැනුම් නොදුන් බවත් අමාත්‍යවරයා වැඩිදුරටත් පවසනවා.
