කොම්පඤ්ඤවීදිය – ස්ටුවර්ට් වීදියේ – වෑකන්ද නිවාස යෝජනා ක්‍රමයට අයත් මහල් නිවාස සහිත ගොඩනැඟිලි කිහිපයක් කඩාවැටීමට ආසන්න තත්ත්වයේ සහ පදිංචියට නුසුදුසු අවදානම් තත්ත්වයේ පවතින බව සඳහන් කරමින් නිවැසියන් ඊයේ (01) උද්ඝෝෂණයක නිරත වුණා.
ඔවුන් සඳහන් කරන්නේ වහාම එම නිවාස කඩා දමා තමන්ට සුදුසු පරිසරයක නව ස්ථීර නිවාස ලබා දෙන ලෙසයි.
විරෝධතාකරුවන් පවසා සිටියේ ජාතික නිවාස සංවර්ධන අධිකාරිය ඔවුනට කොළඹ නගරය ආශ්‍රිතව පහසුකම් සහිත නව නිවාස ලබා දෙන බවට පොරොන්දු වූවත් එය මෙතෙක් ඉටු නොවූ බවයි.
කඩාවැටීමට පවා ආසන්න, ජීවත්වීමට නුසුදුසු පරිසරයක තිබෙන මෙම නිවාස තුළ දැනටත් කුඩා දරු දැරියන් ද ඇතුළුව පවුල් විශාල සංඛ්‍යාවක් ජීවත් වෙන බවද ඔවුන් පෙන්වා දෙනවා.
ඡායාරූප අයිතිය – ප්‍රදීප් දිල්රුක්ෂණ
