මහජන බැංකුව ණය පොලී අනුපාත 15.5% දක්වා ඉහළ දැමීමට ගෙන ඇති තීරණය තාවකාලිකව අත්හිටුවා තිබෙනවා.
පසුගිය 30 වනදා මහජන බැංකුව තීරණය කළේ වෙළෙඳපොළ පොලී අනුපාත ඉහළ යාමට සාපේක්ෂව දැනට නිකුත් කර ඇති ණය සඳහා 15.5% දක්වා පොලී අනුපාත ඉහළ දැමීමටයි.
කෙසේ වෙතත් ජාතික ඉතිරි කිරීමේ බැංකුව පසුගිය 20 වනදා සිට ක්රියාත්මක වන පරිදි ඔවුන් මේ වන විට නිකුත් කර ඇති ණය සඳහා වන පොලී අනුපාත 15%ක උපරිමයක් දක්වා ඉහළ දැමීමට පියවර ගෙන තිබුණා.
මෙහි විශේෂත්වය වුයේ ස්ථාවර පොලී අනුපාත යටතේ නිකුත් කර තිබූ ණය පහසුකම්වල පවා පොලීය ඉහළ දැමීමටයි.