සුපිරි ක්‍රිකට් ක්‍රීඩක සනත් ජයසූරිය මහතාගේ නම රූපවාහිනී වැඩසටහනකදී වැරදි ලෙස සඳහන් කිරීම සම්බන්ධයෙන් ආණ්ඩු පක්ෂයේ පාර්ලිමේන්තු මන්ත්‍රී සහ ව්‍යාපාරික ධම්මික පෙරේරා මහතා අද (11) සමාව අයැද තිබෙනවා.
සනත් ජයසූරිය මහතා නිවේදනයක් නිකුත් කරමින් පවසන්නේ,
“ මගෙන් සමාව ඉල්ලලා ධම්මික පෙරේරා මහත්තයගෙන් කෝල් එකක් ආවා. මම කිව්වා ඒක වචන පැටලීමක් මිසක් මොළයේ වරදක් නෙවෙයි කියලා. ඉදිරි දුෂ්කර කාර්යය සඳහා මම ඔහුට සුබ පතනවා. අපි කාරණය අවසන් කර සලකා බලමු. ” ලෙසයි.
ධම්මික පෙරේරා රූපවාහිනී වැඩසටහනකට එක්වෙමින් සනත් ජයසූරිය සහ අරවින්ද ද සිල්වා හැඳින්වූයේ සනත් ගුණතිලක සහ අරවින්ද පෙරේරා ලෙසිනි.
අදාළ වීඩියෝව සමාජ මාධ්‍ය තුළ වේගයෙන් සංසරණය වූ අතර ධම්මික පෙරේරා මහතාව දැඩිව විවේචනයට ලක්වුණා.
