කොවිඩ් තත්ත්වය හේතුවෙන් පනවා ඇති සෞඛ්ය උපදෙස් පිළි නොපදිමින් කටයුතු කළ පුද්ගලයින් සොයා පොලීසිය විසින් ඊයේ (05) යාපනය නගරයේ මෙහෙයුමක් ක්රියාත්මක කළා.
එහිදී මුව ආවරණ නොමැතිව සිටි සහ නිසි දුරස්ථභාවය තබාගෙන නොසිටි පුද්ගලයින් කිහිපදෙනෙක් පොලිස් අත්අඩංගුවට පත් වුණා.
මෙහි විශේෂත්වය නම් ඔවුන් අත්අඩංගුවට ගත් පසු පොලිස් නිලධාරීන් සිව් දෙනෙකු විසින් ඔසවාගෙන ගෙන ගොස් පොලිස් බස් රථයකට නංවනු ලැබීමයි.
ඇතැම් තරුණයින් අත්අඩංගුවට පත්වන අවස්ථාවේ කළහකාරී ලෙස හැසිරී තිබෙනවා.
කෙසේ වෙතත් මුව ආවරණ නොමැති තරුණයින් අත්අඩංගුවට ගන්නා අවස්ථාවේ හෝ පොලීසිය ඔවුට මුව ආවරණයක් පැළදීමට කටයුතු නොකර තවත් පිරිසක් සිටින බස් රථයකට නැංවීම සෞඛ්ය නීති කඩකිරීමක් බවට ප්රදේශවාසීන් චෝදනා කරනවා.