රථවාහන පොලීසියේ පොලිස් නිලධාරියෙක් ප්රධාන මාර්ගයක් මධ්යයේ යම් පුද්ගලයෙක්ට දරුණු ලෙස පහරදී ඔහුව බිම දමා ඔහුගේ ඇඟ මතට උඩපැන පහරදෙන වීඩියෝවක් මේ වන විට සමාජ මාධ්යයන්හී සැරිසරනවා.
රථවාහන පොලීසියේ පොලිස් නිලධාරියෙක් ප්රධාන මාර්ගයක් මධ්යයේ යම් පුද්ගලයෙක්ට දරුණු ලෙස පහරදී ඔහුව බිම දමා ඔහුගේ ඇඟ මතට උඩපැන පහරදෙන වීඩියෝවක් මේ වන විට සමාජ මාධ්යයන්හී සැරිසරනවා.
මෙලෙස පහරකෑමට ලක්ව ඇත්තේ ලොරි රථ රියදුරෙක්.
පොලිස් මාධ්ය ප්රකාශක නියෝජ්ය පොලිස්පති අජිත් රෝහණ මහතා සදහන් කරන්නේ අදාල රියදුරා අද උදෑසන පන්නිපිටිය මංසන්ධියේදී රාජකාරියේ නිරතව සිටි මහරගම පොලීසියේ රථවාහන අංශයේ ස්ථානාධිපතිවරයාව අනතුරට ලක්කර ඇති බවයි.
පසුව මහරගම පොලීසියේ රථවාහන අංශයට අනුයුක්ත පොලිස් කොස්තාපල්වරයෙක් මෙලෙස රියදුරුට පහරදී තිබෙනවා.
පොලිස් මාධ්ය ප්රකාශකවරයා සඳහන් කරන්නේ රියදුරු අත වරද පැවතිය හැකිමුත් පොලිස් නිලධාරියා සිදුකල පහරදීම අනුමත කල නොහැකි බවයි.
ඒ අනුව අදාල පහරදීම සම්බන්ධයෙන් විමර්ශනයක් කරන බවත් අදාළ පොලිස් නිලධාරියාගේ සේවය මේ වන විට අත්හිටුවා තිබෙන බවත් ඔහු වැඩිදුරටත් සඳහන් කළා.
අනතුරට පත් පොලිස් ස්ථානාධිපතිවරයා මේ වන විට කළුබෝවිල ශික්ෂණ රෝහලේ ප්රතිකාර ලබමින් සිටිනවා.
මේ අතර ශ්රී ලංකාව සම්බන්දයෙන් වන මානව හිමිකම් යෝජනාවෙන්ද පසුගිය 23 වනදා 22 ට 11 ක් ලෙස පරාජයට පත්වුණා.