ජනාධිපති ගෝඨාභය රාජපක්ෂ මහතා ඇමරිකාවේ නිව් යෝර්ක් බලා පියාසර කිරීමට නියමිත බව ජනාධිපති මාධ්ය අංශය පවසනවා.
ඒ, නිව් යෝර්ක්හී දී සැප්තැම්බර් 21 වනදා, ආරම්භවීමට නියමිත එක්සත් ජාතීන්ගේ 76 වන මහා මණ්ඩල සැසිවාරයට සහභාගී වීමටයි.
ජනාධිපතිවරයා දිවයිනෙන් බැහැරව විදේශ සමුළුවකට සහභාගීවන පළමු අවස්ථාව මෙය වන අතර මේ අතරතුර ආර්ථික, අධ්යාපන, කෘෂිකාර්මික ඇතුළු ක්ෂේත්ර කිහිපයක් සම්බන්ධයෙන් රාජ්ය නායකයන් කිහිප දෙනකු සමග ද්විපාර්ශ්වික සාකච්ඡා පැවැත්වීමට නියමිත බවද ද එම නිවේදනයේ සඳහන් .
තම පෞද්ගලික ප්රතිපත්තිය සහ රටේ පවතින වත්මන් තත්ත්වය සැලකිල්ලට ගෙන අවම පිරිසකගේ සහභාගීත්වයෙන් සංචාරය සිදු කිරීමට ජනාධිපතිවරයා තීරණය කර ඇති අතර විදේශ අමාත්ය මහාචර්ය ජී. එල්. පීරිස්, ජනාධිපති ප්රධාන උපදේශක ලලිත් වීරතුංග සහ විදේශ ලේකම් අද්මිරාල් මහාචාර්ය ජයනාත් කොළඹගේ යන මහත්වරු ජනාධිපතිවරයා සමග සංචාරයට එක්වීමට නියමිතයි.
ඒ අනුව එක්සත් ජාතීන්ගේ මහා මණ්ඩල සැසිවාරයට මෑත ඉතිහාසයේ මෙරටින් සහභාගීවන අඩුම දූත පිරිස මෙය බවයි ජනාධිපති මාධ්ය අංශය වැඩිදුරටත් සඳහන් කරන්නේ.
මීට ජනාධිපති ආර්යාවද සහභාගී වන නමුත් ඇය ඊට සහභාගීවන්නේ සිය පුද්ගලික වියදමෙන් බවත් එම නිවේදනයේ සඳහන්
මේ අතර, අග්රාමාත්ය මහින්ද රාජපක්ෂ මහතාද ඉතාලියේ සංචාරයක් සඳහා අද (10) අලුයම දිවයිනෙන් පිටත්ව ගොස් තිබේ.
මේ අතර, ට්විටර් පණිවුඩයක් නිකුත් කරමින් ජනාධිපති මාධ්ය ප්රකාශකවරයා සඳහන් කළේ ජනාධිපතිවරයාගේ ප්රධානත්වයෙන් පැවැත්වෙන කොවිඩ් මර්දන විශේෂ කමිටු සාකච්ඡාවේදී දිවයිනටම බලපැවැත්වෙන පරිදි දැනට පනවා ඇති නිරෝධායන ඇඳිරිනීතිය ලබන 21 වනදා දක්වා දීර්ඝ කිරීමට තීරණය කර ඇති බවයි.