නේපාලයේ භාරකාර අගමැති ෂර්මා ඔලිට සහ ඔහු අගමැතිවරයා ලෙස හිදිමින් පාර්ලිමේන්තුව හදිසියේ විසුරැවා හැරීමට ගත් තීරණයට එරෙහිව නේපාලය පුරා ක්රියාත්මක විරෝධතා උග්ර අතට හැරී ඇති බව වාර්තා වේ.
ෂර්මා ඔලි නේපාල කොමියුනිස්ට් පක්ෂය නියෝජනය කරමින් අගමැති ධුරයට පත්වුවද ඔහුගේ ඒකපාක්ෂික තීරණ හේතුවෙන් මේ වනවිට එම පක්ෂයේ බහුතරයක් ඔහුට එරෙහි මෙම විරෝධතාවයන්ට සම්බන්ධ වී සිටින බව එරට මාධ්ය වාර්තා කර තිබේ.
කොමියුනිස්ට් පක්ෂයේ ජ්යෙෂ්ඨ නායකයන් වන හිටපු අගමැතිවරැන් වන පුෂ්ප කමල් දහල්, මාධව් කුමාර් නේපාල් මෙන්ම පක්ෂයේ ශිෂ්ය සංගමය වන සමස්ත නේපාල ජාතික නිදහස් ශිෂ්ය සංගමය මෙම විරෝධතාවලට නායකත්වය දෙන බව සදහන් වේ.
ඔවුන් විසින් කත්මන්දු අගනුවර සහ වෙනත් ප්රදේශවල දිනපතා විරෝධතා ව්යාපාර පවත්වමින් සිටින අතර මීට දින දෙකකට පෙර සමස්ත ජාතික වැඩ වර්ජනයක්ද ක්රියාත්මක කරනු ලැබිණ.
අගමැති ෂර්මා ඔලි චීනයේ බලපෑම් මත නේපාලයේ දේශපාලන අස්ථාවරත්වයක් ඇති කර ඇති බවට උද්ඝෝෂකයෝ චෝදනා කරති.