මාධ්‍යවේදියෙකු සිදුකළ සාවද්‍ය පැමිණිල්ලක විමර්ශනවලට අදාළව කොළඹ අපරාධ කොට්ඨාසයට පැය 05කට ආසන්න කාලයක් ප්‍රකාශ ලබාදීමෙන් පසු මන්ත්‍රී රාජිත සේනාරත්න සහ චතුර සේනාරත්න යන මහත්වරු ඉන් පිටව ගොස් තිබේ.
ඔවුන් දෙදෙනාට කොළඹ අපරාධ කොට්ඨාසයේ පෙනී සිටින ලෙසට දැනුම් දී තිබුණේ පසුගියදා පැහැර ගැනීමට ලක්වූ බව පැවසෙන මාධ්‍යවේදී සුජීව ගමගේ මහතා චතුර සේනාරත්න මහතාගේ කාර්යාලයට පැමිණ පාර්ලිමේන්තු මන්ත්‍රී රාජිත සේනාරත්න මහතා හමුවීම සම්බන්ධයෙන් කරුණු වීමසීම සඳහා බවයි වාර්තා වන්නේ.
‘සියරට’ පුවත්පතේ නිදහස් මාධ්‍යවේදියෙකු බව පැවසෙන 62 හැවිරිදි මාධ්‍යවේදී සුජීව ගමගේ මහතා තමා සතුව පැවති හඬ පටයක් ලබාගැනීමේ අරමුණින් කිසියම් පිරිසක් පැමිණ පසුගිය 10 වනදා තමන් පැහැරගෙන පිළිස්සුම් තුවාල සිදුකළ බවට පොලිසියට පැමිණිල්ලක් කර තිබුණු අතර සිද්ධිය සම්බන්ධයෙන් විමර්ශනයක් කළ පොලීසිය සඳහන් කර සිටියේ, එය ගෙතූ ව්‍යාජ සිද්ධියක් බවයි.
