කොවිඩ් -19 වෛරසයේ නව උප ප්‍රභේදයක් ඉන්දියාව ඇතුළු රටවල් කිහිපයකින් හඳුනාගෙන ඇති බව ලෝක සෞඛ්‍ය සංවිධානය පවසනවා.
ඔමික්‍රෝන් කොවිඩ් ප්‍රභේදයේ උප ප්‍රභේදයක් වන එය “BA.2.75” ලෙස ලෝක සෞඛ්‍ය සංවිධානය විසින් නම් කර ඇති බව පැවසේ.
නව ප්‍රභේදය මේ වන විට රටවල් 10කින් පමණ වාර්තා වී ඇති අතර එහි හැසිරීම නිරීක්ෂණය කරමින් සිටින බව එම සංවිධානය පෙන්වාදෙනවා.
මේ අතර නව ප්‍රභේද වාර්තාවීමත් සමග ගෝලීය කොවිඩ් ආසාදිතයින් වාර්තාවීම ගතවූ සති දෙක තුළ සියයට 30කින් පමණ ඉහළ ගොස් ඇති බව ලෝක සෞඛ්‍ය සංවිධානයේ ප්‍රධානී ටෙඩ්රෝස් ගේබ්‍රියේසස් පවසනවා.
BA4 සහ BA5 ප්‍රභේද ව්‍යාප්ත වීම හේතුවෙන් යුරෝපයේ සහ අමෙරිකාවේ මේ වන විට කොවිඩ් රැල්ලක අවදානමක් නිර්මාණය වී ඇති බව ද ඔහු සඳහන් කරනවා.
