රුසියාවට එක්සත් ජාතීන්ගේ ආරක්ෂක කවුන්සිලයේ සභාපති ධුරය හිමිව තිබෙනවා.
ඒ රුසියාවට සභාපති ධුරය ලබානොදෙන ලෙස යුක්රේනය එක්සත් ජාතීන්ට බල කරමින් සිටින පසුබිමක ය.
එක්සත් ජාතීන්ගේ ආරක්ෂක කවුන්සිලයේ සාමාජිකත්වය දරන රටවල් 15ට වරින් වර මාසයක කාලයක් සඳහා සභාපති ධුරය හිමි වන අතර රුසියාවට අවසන් වරට මෙහි සභාපති ධුරය හිමිවූ 2022 වසරේ පෙබරවාරි මාසයේදීයි.
යුද අපරාධ සිදුකරන බවට චෝදනා එල්ල වී ඇති රටකට මෙලෙස එක්සත් ජාතීන්ගේ ආරක්ෂක කවුන්සිලය මෙහෙයවීමට අවස්ථාව හිමිවීම පිළිබඳව ලෝකයේ දැඩි අවධානයක් යොමුවී තිබෙනවා.
ජාත්යන්තර අපරාධ අධිකරණය, මීට සති කිහිපයකට පෙර රුසියානු ජනාධිපති ව්ලැද්මීර් පුටින් අත්අඩංගුවට ගැනීමේ වරෙන්තුවක් නිකුත් කර තිබෙන අතරම රුසියාවට සභාපති ධුරය ලබානොදෙන ලෙස යුක්රේනය එක්සත් ජාතීන්ට බල කරමින් සිටින පසුබිමක මෙම සභාපති ධූරය හිමි වීම ද සුවිශේෂී කරුණක් වනවා.
කෙසේ වුවද එක්සත් ජාතීන්ගේ ආරක්ෂක කවුන්සිලයේ නිෂේධ බලය හිමි නිත්ය සාමාජිකයෙකු වන රුසියාවට සභාපතිධුරය ලබා දීම සඳහා එම වරෙන්තුව බාධාවක් නොවන බව විදෙස් මාධ්ය වාර්තා කරන් අතර මේ සම්බන්ධයෙන් යුක්රේනයේ විදෙස් අමාත්යාංශය පවසා තිබෙන්නේ
රුසියාවට මෙලෙස සභාපතිධුරය ලබාදීම අප්රේල් පළමු වනදා සිදු කළ නරකම විහිළුව බවයි.