එළැඹෙන මැයි දිනය වෙනුවෙන් ශ්‍රී ලංකා නිදහස් පක්ෂය තනිවම මැයි රැලියක් පවත්වන බවට එම පක්ෂයේ මහලේකම් රාජ්‍ය අමාත්‍ය දයාසිරි ජයසේකර මහතා පවසනවා.
පක්ෂයේ සභාපති හිටපු ජනාධිපති මෛත්‍රිපාල සිරිසේන මහතාගේ ප්‍රධානත්වයෙන් ශ්‍රී ලංකා නිදහස් පක්ෂ මූලස්ථානයේ දී ඊයේ (19) පැවති රැස්වීමකින් අනතුරුව මාධ්‍ය වෙත අදහස් දක්වමින් ඔහු පවසා සිටියේ පක්ෂයේ නව ගොඩනැගිල්ල ඉදිකිරීමට නියමිත භූමියේ මැයි රැළිය පවත්වන බවයි.
කෙසේ වෙතත් ශ්‍රී ලංකා පොදුජන පෙරමුණ පවත්වන මැයි රැළියට තම පක්ෂයේ නියෝජිතයෙකු ලෙස කම්කරු අමාත්‍ය නිමල් සිරිපාල ද සිල්වා මහතා සහභාගි කරවන නමුත් මහලේකම්වරයා ලෙස තමන් හෝ සභාපතිවරයා ලෙස මෛත්‍රිපාල සිරිසේන මහතා එම රැළියට සහභාගි නොවන බවද ඔහු සඳහන් කළා.
ඊට අදාල දර්ශන පහතින්,
