හබරණ – මඩකලපුව මාර්ගයේ, පොළොන්නරුව පොළ හන්දියේ දී ගොවීන් සිදුකළ විරෝධතාවකට හිටපු ජනාධිපති මෛත්‍රීපාල සිරිසේන ද අද (03) එක්වුණා.
හිටපු ජනාධිපති මෛත්‍රිපාල සිරිසේන සහ ඔහුගේ පුත් දහම් සිරිසේන විරෝධතාවට එක්වී මාර්ගයේ බිම වාඩිවී ඊට සහය පළ කළ බවයි වාර්තා වන්නේ.
වී කිලෝවක් සඳහා රුපියල් 150 ක සහතික මිලක් ලබාදෙන ලෙස ඉල්ලමිනුයි ඔවුන් මෙම විරෝධතාව අද උදෑසන ආරම්භ කළේ. ඒ සඳහා ප්‍රදේශ රැසක ගොවි සංවිධානවල නියෝජිතයින් එක්ව සිටියා.
මේ අතර ලෝක ජනාවාස දිනයට සමගාමීව නිවාස සාදා ගැනීම සඳහා ඉඩම් ලබා දෙන ලෙස ඉල්ලමින් සහ තවත් ගැටළු කිහිපයක් මුල් කරගනිමින් වතු කම්කරුවන් පිරිසක් ද අද කොළඹ – කොටුව දුම්රියපොළ ඉදිරිපිට විරෝධතාවක නිරතවුණා.
