හිටපු ප්‍රවීන ක්‍රිකට් ක්‍රීඩක මෙන්ම එක්සත් ජනතා නිදහස් සන්ධානයේ හිටපු පාර්ලිමේන්තු මන්ත්‍රී සනත් ජයසූරිය මහතා හට කොවිඩ් වැක්සීනය ලබාදුන් බවට දැක්වෙන ඡායාරූපයක් සමාජ මාධ්‍ය තුළ සංසරණය වනවා.
මේ පිළිබදව Facebook හා Twitter සමාජ මාධ්‍ය තුළ කතාබහක් ඇතිව ඇති අතර ඉන් ප්‍රශ්න කර ඇත්තේ සනත් ජයසූරිය හට කොවිඩ් වැක්සීනය ලබාදුන්නේ කවර පදනමක් යටතේද යන්නයි.
ඇ.තැමෙක් එහිදී සදහන් කර ඇත්තේ පළමු කොවිඩ් රැල්ල හේතුවෙන් ගුවන්තොටුපල වසාදමා තිබියදී ආණ්ඩුවේ ඉහළ සබදතා ඇති පුද්ගලයන් කෙසේ හෝ මෙරටට පැමිණි බවයි.
එමෙන්ම ඒසේ මෙරටට පැමිණි පුද්ගලයන් ඇතැමෙක් ආරක්ෂක අංශ ඉහළ නිලධාරීන් සමග ඇති සබදතා හේතුවෙන් නිරෝධායනයෙන් තොරවම ගුවන්තොටුපලෙන් පිටව ගිය ආකාරයද ඇතැමෙක් සිහිපත් කර තිබුණා.
කොවිඩ් වැක්සීනය ඉන්දියාවෙන් නොමිලයේ ලැබුණ පරිත්‍යාගයක් වන අතර තවමත් එය මෙරට ජනතාවගෙන් මිලියනයකට හෝ එන්නත් කර නොමැති පරිසරයකදී මෙවැනි පුවත් වාර්තාවීම කණගාටුවට කරුණක්.
