ළමා ආපයෝජන ප්රවෘත්ති වලින් පවා වින්දනයක් ලබන සමාජයක් බිහිව ඇති බව වෛද්ය තුෂාරා වික්රමනායක මහත්මිය පවසනවා.
මේ බව සඳහන් කළේ යූටියුබ් නාලිකාවක් සමග පැවැත්වූ සාකච්ඡාවකදීයි.
ඇතැම් ජනමාධ්ය ආයතනද මෙම ඛේදවාචකයේ සැබෑ තතු හෙළි නොකොට මෙයින් ‘කුණු රසයක්’ මතු කරමින් සිටින බවයි ඇය පෙන්වා දෙන්නේ.
එමෙන්ම, කොරෝනා වසංගතය හේතුවෙන් නිවෙස්වලට කොටු වී සිටින පුරුෂයින්ගේ මානසික ආතතිය වෙනුවෙන් සිදුකළ හැකි දෑ විශාල වශයෙන් පවතිද්දී ඒ වෙනුවෙන් ළමයින් භාවිතා කිරීම බරපතල ඛේදවාචකයක් බවත් ඇය පෙන්වා දෙනවා.
මානසික ආතතිය වෙනුවෙන් ළමුන් භාවිතා කිරීම සාධාරණීකරණය කරන අයුරු දැකිය හැකි බවත් කුඩා දරුවන් ලිංගික කාර්යයන් සඳහා භාවිතා කිරීම කිසිසේත්ම සාධාරණීකරණය කළ නොහැකි අපරාධයක් බවත් වෛද්ය තුෂාරා වික්රමනායක මහත්මිය අවධාරනය කර සිටිනවා.
පහළොස් හැවිරිදි දැරිය අපයෝජනය කිරීමේ සිද්ධියට ප්රභූන්, වෛද්යවරුන්, ව්යාපාරිකයන්, භික්ෂූන් පවා සම්බන්ධ වී ඇති බවත් මීට වසර දෙකකට පමණ ඉහතදී ළමුන්ට ලිංගික අධ්යාපනය ලබාදීම උදෙසා හඳුන්වා දුන් ‘හතේ අපේ පොත’ට එරෙහිව භික්ෂූන්ගෙන් දැඩි විරෝධයක් එල්ල වීම හේතුවෙන් එම ව්යාපෘතිය සම්පූර්ණයෙන් කඩාකප්පල් වූ නමුත් ළමා අපයෝජනවල සැකකරුවන් ලෙස භික්ෂූන් ද අත්අඩංගුවට පත්ව ඇති බවයි ඇය පෙන්වා දෙන්නේ.
වත්මන් වැඩිහිටියන් කුඩාකාලයේදී නිසි ලිංගික අධ්යාපනයක් නොලැබීමේ අනිටු ප්රතිඵල මේ වන විට දැකගැනීමට ලැබීමට හැකි බවත් වත්මන් පරපුරට එම දැනුම ලබා දී පරිපූර්ණ, බලාත්මක දරුවෙකු බවට පත්කළ යුතු බවත් ඇය පෙන්වා දෙනවා.