පාර්ලිමේන්තු කමිටු රැස්වීම් සඳහා කැඳවූ විට අමාත්‍යාංශ ලේකම්වරු ඊට සහභාගී විය යුතු බව ජනාධිපති ලේකම් සමන් ඒකනායක මහතා නිල වශයෙන් සියලු අමාත්‍යාංශ ලේකම්වරුන්ට ලිපියක් නිකුත් කරමින් දැනුම් දී තිබෙනවා.
ජනාධිපති මාධ්‍ය අංශය කියා සිටියේ ජනාධිපති ලේකම්වරයාගේ ලිපියේ පිටපත් කථානායකවරයාට සහ පාර්ලිමේන්තු මහලේකම්වරියට යොමු කර ඇති බවයි.
නිකුත් කළ මෙම ලිපියට අනුව පාර්ලිමේන්තු පරිශ්‍රයේ පැවැත්වෙන රැස්වීමක් සඳහා විපක්ෂ නායකවරයා රාජ්‍ය නිලධාරීන් කැඳවන්නේ නම් ඒ සම්බන්ධව විෂය භාර අමාත්‍යවරයාව ලිඛිතව දැනුවත් කළ යුතු බවයි.
ඊට අමතරව පාර්ලිමේන්තුවේ ඕනෑම කාරක සභාවක රැස්වීම්වලට සහභාගී වන නිලධාරීන් සාකච්ඡාවකට භාජනය වන විෂයන් පිළිබඳව දැනුමෙන් සන්නද්ධ විය යුතු වනවා.
කාරක සභාව විසින් ඉල්ලා සිටින විට තොරතුරු සැපයීමට සූදානම් විය යුතු බව ද එහි සඳහන්ව තිබෙනවා.
