ස්පුට්නික්-5 එන්නත ගේන්න කතාකළා- චන්න ජයසුමන

රුසියාවේ නිෂ්පාදිත ස්පුට්නික් 5 එන්නත ශ්‍රී ලංකාවට ගෙන්වාගැනීම පිළිබඳ රුසියානු තානාපති යුරි මටෙරි සමඟ තමා සාකච්ඡා කළ බව ඖෂධ නිෂ්පාදන රාජ්‍ය අමාත්‍ය චන්න ජයසුමන ඩේලි මිරර් වෙත කියා ඇත.

එහිදී රුසියාව පූර්ණ සහයෝගය ලබාදීමට එකඟ වූ බව ඔහු කියා තිබේ.

මේ වන විට රුසියාවේ ස්පුට්නික් 5 එන්නත, රුසියාව සමඟ එක්ව ඉන්දියාවේ ඩොක්ටර් රෙඞ්ඩි නම් ආයතනයේදී නිෂ්පාදනය කිරීමට සැලසුම් කර ඇත.

එන්නත් ලියාපදිංචිය වෙනුවෙන් විවෘත ආකල්පයක රජය සිටින බව ඔහු වැඩිදුරටත් කියා ඇත. ජාතික ඖෂධ නියාමන අධිකාරිය කොවිඞ්-19 එන්නත් ලියාපදිංචිය සඳහා සූදානම් වෙමින් සිටින බවද ප්‍රකාශ කර ඇත.

ප්ෆයිසර් සහ මොඬේනා සමාගම්වල ලාංකික නියෝජිතයන් ලෙස කටයුතු කරන සමාගම්වලට, එම සමාගම්වල එන්නත ලංකාවේ අනුමැතියට ලක් කළ හැකි බව දැනුම් දී ඇතැයි ඇමතිවරයා ප්‍රකාශ කර තිබේ.