ත්‍රස්තවාදය වැළැක්වීමේ පනත අවලංගු කරන ලෙස ශ්‍රී ලංකාවෙන් ඉල්ලිම් කරමින් යුරෝපා සංගම් පාර්ලිමේන්තුව යෝජනාවක් සම්මත කර තිබේ.
GSP+ තහනම තාවකාලිකව ඉවත් කර ගැනීමේ ක්‍රියාපටිපාටියට ආරම්භයක් ගැනීමට ප්‍රමාණවත් හේතුවක් තිබේ ද යන්න සලකා බැලීම සඳහා යුරෝපා සංගම් මන්ත්‍රීවරුන් මෙම යෝජනාව සිදු කරනු ලැබීය.
ස්පාඤ්ඤය,මොරොක්කෝව,රුසියාව සහ ශ්‍රී ලංකාවේ මානව හිමිකම් සම්බන්ධයෙන් යෝජනා තුනක් ඒ අනුව සම්මත කර ගෙන තිබේ.ශ්‍රී ලංකාව පිළිබඳව යෝජනාව සම්මත වූයේ පක්ෂව ඡන්ද 628 ක් විපක්ෂව ඡන්ද 15 ක් සමඟිනි.40 දෙනෙකු ඡන්දය දීම සම්බන්ධයෙන් වැළකී සිට ඇත.
සිවිල් පුද්ගලයින් අත්අඩංගුවට ගෙන රඳවා තබා ගැනීම සඳහා පොලිසියට පුළුල් බලතල ලබා දෙන මතභේදාත්මක ත්‍රස්තවාදය වැළැක්වීමේ පනත අඛණ්ඩව ක්‍රියාත්මක කිරීම පිළිබඳව මන්ත්‍රීවරු දැඩි ලෙස මෙහිදී විරෝධය පළ කරන ලදී.
