ආසියානු ක්‍රීඩා උළෙලේ කාන්තා ක්‍රිකට් අවසන් පූර්ව වටය සඳහා සුදුසුකම් ලබා ගැනීමට ශ්‍රී ලංකා කාන්තා ක්‍රිකට් කණ්ඩායම සමත්ව තිබෙනවා.
ඒ තායිලන්ත කාන්තා ක්‍රිකට් කණ්ඩායම අතර පැවති තරගය කඩුලු 8 කින් ජය ගැනීමත් සමඟයි.
වර්ෂාව හේතුවෙන් මෙම තරගය පන්දුවාර 15 කට සීමා වුනා.
තරගයේ කාසියේ වාසිය දිනාගත් ශ්‍රී ලංකා කාන්තා කණ්ඩායම පළමුවෙන් පන්දුවට පහරදීමට තායිලන්ත කාන්තා කණ්ඩායමට ආරාධනා කළ අතර ඔවුන් සිය පන්දුවාර 15 තුළ තුළ කඩුලු 7 ක් දැවී ලකුණු 78 ක් ලබා ගත්තා.
ඉනෝෂි ප්‍රියදර්ශනී ලකුණු 10ට කඩුලු 4ක් ලබා ගත්තා.
පිළිතුරු ඉනිම ක්‍රීඩා කළ ශ්‍රි ලංකා කාන්තා ක්‍රිකට් කණ්ඩායම පන්දුවාර 10 යි පන්දු 5 ක් අවසානයේ කඩුලු 2 ක් දැවී සිටියදී සිය ජයග්‍රාහී ඉලක්කය පසුකර යාමට සමත් වුණා.
අනුෂ්කා සංජීවනී ලකුණු 32ක් රැස් කර ගැනීමට සමත් වුණා.
