පුද්ගලයකුගේ සිරුරේ ඔක්සිජන් ප්රතිශතය මැන බැලීම සඳහා භාවිත කෙරෙන ‘පල්ස් ඔක්සි මීටර’ සඳහා පාලන මිලක් පැනවීමට ඖෂධ නියාමනය සැපයීම පිළිබඳ රාජ්ය අමාත්යාංශයේ අවධානය යොමුව තිබෙනවා.
මුල් සමයේ පල්ස් ඔක්සිමීටරයක් රුපියල් 1350කට අලෙවි වූ නමුත් මේ වන විට එහි මිල රුපියල් 4000 – 8000 දක්වා වැඩි වී ඇති බව ඖෂධසල් හිමිකරුවන් පවසනවා.
එබැවින් ගැසට් නිවේදනයක් නිකුත් කර මිල පාලනයක් සිදුකිරීම පිළිබඳව අමාත්යාංශය සාකච්ඡා ආරම්භ කර ඇති බවයි පැවසෙන්නේ.
මේ අතර, චීනයෙන් ගෙන්වා ඇති බාල ප්ලස් ඔක්සි මීටර පිළිබඳවද වාර්තා වනවා. ප්ලස් ඔක්සි මීටර අලෙවි කිරීම සඳහා ජාතික ඖෂධ නියාමන අධිකාරිය බලපත්ර ලබා දී ඇත්තේ සමාගම් තුනකට පමණක් වන අතර ශ්රී ලංකා රේගුවට හොරෙන් මෙම ලියාපදිංචි නොකළ ප්ලස් ඔක්සි මීටර මෙරටට ගෙන්වා තිබෙනවා.
මේවා භාවිතයෙන් නිසි පරිදි ඔක්සිජන් ප්රතිශතය මැන බැලීමට නොහැකි බවත් මෙවැනි බාල වර්ගයේ ඔක්සි මීටර 3500ක් කොළඹ නගරයේදී අත්අඩංගුවට ගත් බවත් ජාතික ඖෂධ නියාමන අධිකාරියේ ආහාර හා ඖෂධ පරීක්ෂකවරුන් පවසන බව අරුණ පුවත්පත වාර්තා කරනවා.