දෙමළ ජාතික සන්ධානයේ පාර්ලිමේන්තු මන්ත්‍රී එම්. ඒ. සුමන්තිරන් මහතා හට ලබාදී තිබූ පොලිස් විශේෂ කාර්ය බළකා ආරක්ෂාව හදිසියේම ඉවත් කර තිබෙනවා.
මේ සම්බන්ධයෙන් මන්ත්‍රීවරයා පවසන්නේ කිසිදු පෙර දැනුම්දීමකින් තොරව තමන්ට ලබාදී තිබූ පොලිස් විශේෂ කාර්ය බළකා ආරක්ෂාව ඉවත් කර ඇති බවයි.
සුමන්තිරන් මහතා හට මරණ තර්ජන ඇති බවට හෙළිවීමත් සමග ඔහුට පොලිස් විශේෂ කාර්ය බළකා ආරක්ෂාව ලබාදීමට කටයුතු කර තිබූ අතර මෙලෙස නොදන්වා ඉවත්කර ඇත්තේ එලෙස ලබාදී තිබූ විශේෂ ආරක්ෂාවයි.
කෙසේ වෙතත් තවදුරටත් පාර්ලිමේන්තු මන්ත්‍රී එම්. ඒ. සුමන්තිරන් මහතාට පාර්ලිමේන්තු මන්ත්‍රීවරයෙකු සදහා ලබාදෙන පොලිස් ආරක්ෂාව නොවෙනස්ව ලැබෙනවා.
