කාන්තාවන් පනස් දෙනෙකුට ආසන්න පිරිසක් ඇෆ්ගනිස්තානයේ කාබුල් අගනුවරදී විරෝධතාවයක නිරත වී ඇති බව වාර්තා වේ.
තලේබාන් සංවිධානය විසින් බලය අත්කරගත් පසුබිමක කාන්තාවන් පිරිසක් කාබුල්හි මෙවන් උද්ඝෝෂණයක් පැවැත්වීම විරල සිදුවීමක් බව විදෙස් මාධ්‍ය වාර්තා කරයි.
තමන්ට රැකියා කිරීමට ඇති අයිතිය තහවුරු කරන ලෙස විරෝධතාවයේ නිරත කාන්තාවන් මෙහිදී අවධාරණය කර තිබේ.
විදෙස් මාධ්‍ය වාර්තා කළේ මෙමගින් මේ වනවිට ඇෆ්ගනිස්තානයේ පවතින ආර්ථික දුෂ්කරතා සහ අවිනිශ්චිතතාවයන් පිළිබිඹු වන බවයි.
1996 සිට 2001 දක්වා ඇෆ්ගනිස්තානයේ ක්‍රියාත්මක වූ තලේබාන් පාලනය තුළ කාන්තාවන් රැකියාවල නිරතවීම සම්පූර්ණයෙන්ම තහනම් කර තිබිණ.
නැවත එවන් තත්වයක් උද්ගතවේයැයි යන බියෙන් එරට බහුතර කාන්තාවන් දැඩි පීඩනයකට ලක්ව සිටින බව ද
සදහන් වේ.
ඇෆ්ගනිස්තානයේ නව රජය ඉදිරි දින කිහිපය තුළ ප්‍රකාශ කෙරෙනු ඇතැයි වාර්තා වන අතර එහි ප්‍රධානියා වනු ඇත්තේ තලේබාන් සංවිධානයේ ආරම්භක නායකයකු වන මුල්ලා අබ්දුල් ගානි බර්දාර් බව ද සදහන් වේ.
