මෙම වසරේ පළමු මාසය තුළ මේ දක්වා විවිධ රෝග හේතුවෙන් කරච්චි හි, තර්පාර්කාර් දිස්ත්‍රික්කයේ පමණක් ළමා මරණ 36 කට අධික සංඛ්‍යාවක් වාර්තාවීමත් සමග එරට පළාත් රජයට දැඩි දෝෂාරෝපණ එල්ල වී තිබේ.
ප්‍රාදේශීය වාර්තා අනුව, රෝගවලට ගොදුරු වූ දරුවන්ගෙන් බහුතරයක් අලුත උපන් දරුවන් හෝ ළදරුවන් වේ.
මෙම මරණවලට හේතුව මාතෘ සංකූලතා , රක්තහීනතාවය, නියුමෝනියාව, සරම්ප සහ ශ්වසන රෝග වැනි තත්වයන් බව පැවසේ.
රටේ විශාලතම හින්දු ජනගහනයක් වෙසෙන තර්පාර්කාර් දිස්ත්‍රික්කය තුළ වාර්තා වන ළමා මරණ දිගුකාලීන ගැටලුවක් වී තිබේ.
ගතවූ 2021 වර්ෂයේ දී විවිධ සංකූලතා සහ රෝග හේතුවෙන් තර්පාර්කාර් සහ ඊට යාබද දිස්ත්‍රික්කවල ළමුන් 600 කට වැඩි පිරිසක් මිය ගිය බව වාර්තා වූ අතර 2019 දී එය මරණ 500 ක් ලෙස වාර්තා විය.
