මුජිබර් රහුමාන් මන්ත්‍රීවරයා ඉල්ලා අස්වීමෙන් පසු පුරප්පාඩු වූ පාර්ලිමේන්තු මන්ත්‍රී ධුරය සඳහා ඒ.එච්.එම් ෆවුසි මහතාගේ ගැසට් කර තිබෙනවා.
පසුගිය 20 වනදා මෙවර පළාත් පාලන මැතිවරණය සඳහා කොළඹ පුරපති ධුරයට තරඟ කිරීමට සමඟි ජන බලවේගයේ මුජිබර් රහුමාන් මහතා සිය පාර්ලිමේන්තු මන්ත්‍රී ධුරයෙන් ඉල්ලා අස්වුණා.
මුජිබර් රහුමාන් මහතා මන්ත්‍රී ධුරයෙන් ඉල්ලා අස්වීමත් සමඟ හිටපු අමාත්‍යවරයෙක් වන ඒ.එච්.එම් ෆවුසි මහතාට මැතිසබයට පිවිසීමේ අවස්ථාව උදාවී තිබෙනවා.
මේ අනුව පුරප්පාඩු වූ පාර්ලිමේන්තු මන්ත්‍රී ධුරය සඳහා ඒ.එච්.එම් ෆවුසි මහතාගේ නම මැතිවරණ කොමිසම විසින් ගැසට් කර ඇති බව සඳහන් වනවා.
2020 පැවැති මහ මැතිවරණයේ දී සමඟි ජන බලවේගයට කොළඹ දිස්ත්‍රික්කයෙන් ආසන 06ක් හිමි වූණා.
ඒ.එච්.එම් ෆවුසි මහතාට මනාප 48701ක් හිමි වු අතර ඔහුට මනාප ලැයිස්තුවේ 07 වන ස්ථානයට පත් වුණා.
කොළඹ නගර සභාවේ හිටපු නගරාධිපතිවරයෙක් වන ඒ.එච්.එම් ෆවුසි මහතා මේ වන විට 85 වියෙහි පසු වෙනවා.
