මොණරාගල සිට කටුනායක දක්වා පැමිණි ලංගම බස් රථයක රියදුරු කළ පහරදීමකින් එම බස් රථයේ සේවයේ නිරත වූ කොන්දොස්තරවරයා මියගොස් තිබෙනවා.
පසුගිය 23 වනදා රාත්රියේ රියදුරු සහ කොන්දොස්තරවරයා බස් රථය කටුනායක විහාරස්ථානයක නවතා තබා ඇති බවයි පොලීසිය සඳහන් කරන්නේ.
එදින රාත්රියේ ඔවුන් දෙදෙනා තවත් පුද්ගලයෙක් සමඟ මත්පැන් පානය කර ඇති අතර එහිදී යම් බහින් බස්වීමක් සිදුව තිබෙනවා.
ඉන් අනතුරුව රියදුරු කොන්දොස්තවරයාට බෝතලයකින් පහරදී ඇති බවයි මුලික පොලිස් පරීක්ෂණවලදී අනාවරණය වී ඇත්තේ.
එම ප්රහාරයෙන් තුවාල ලැබූ 38 හැවිරිදි කොන්දොස්තවරයා කටුනායක පොලීසිය වෙත පැමිණ පැමිණිල්ලක් කර මීගමුව මහා රෝහල වෙත ප්රතිකාර සඳහා ඇතුළත්ව වී තිබෙනවා.
පොලීසිය සඳහන් කළේ මීගමුව මහා රෝහලේ ප්රතිකාර ලබමින් සිටි කොන්දොස්තවරයා ඊයේ (24) උදෑසන ජීවිතක්ෂයට පත්ව ඇති බවයි.
පහරදීම සම්බන්ධයෙන් 36 හැවිරිදි රියදුරු මේ වන විට පොලිස් අත්අඩංගුවට ගෙන තිබෙනවා.