පල්ලේගම ප්රදේශයේ පදිංචි නිරෝධායන වෙමින් සිටි පුද්ගලයෙකුගේ නිවසක් බිඳ එහි තිබු මුදල් සහ ඔහුගේ දේපලවලට අදාළ ලියකියවිලි රැගෙන ගොස් ඇති බව අප වාර්තාකරු සදහන් කළා.
නිවෙස් හිමියා පවසන්නේ සිය ඥාතියෙකු විසින් අදාල සිදුවීම සම්බන්ධයෙන් දෙනියාය පොලීසියට පසුගිය 31වනදා පැමිණි කළද ඒ සම්බන්දයෙන් මෙතෙක් කිසිදු පියවරක් නොගෙන ඇති බවයි.
පසුගිය 21වනදා සිදුකළ PCR පරික්ෂණයකින් පසුව අදාල නිවෙස් හිමියා හට කොවිඩ් – 19 වෛරසය ආසාදනය වී ඇති බව තහවුරු වීමෙන් අනතුරුව 23වනදා ප්රතිකාර සඳහා යොමුකළ බවත් ඉන් පසුව ඔහුගේ බිරිඳ සහ දරුවන් දෙදෙනෙකුට සිදු කළ PCR පරික්ෂණ අනුව ඔවුන්ට ද වෛරසය වැළඳි ඇති බව තහවුරු වු බැවින් ඔවුන් ද ප්රතිකාර සඳහා යොමුකර තිබෙනවා.
ඒ අතරතුර කාලයේදී මෙලෙස සිය නිවෙස තුළට ඇතුළු වී අදාල සොරකම සිදුකර තිබෙන බවයි ඔහු පවසන්නේ.
ප්රතිකාරවලින් අනතුරුව සුව වු පසු ඔහු ඊයේ (02) උදැසන සිය නිවසට ගොස් තිබුනද ඒ වනතෙක් පොලීසිය සොරකම පිළිබඳව සොයාබැලීමට තම නිවසට පැමිණ නොමැති බවද ඔහු සදහන් කළා.
මේ පිළිබදව පොලීසියෙන් විමසා සිටියදී පොලිස් නිලධාරීන් පවසා ඇත්තේ නිවස විෂබීජහරණය කර නොමැති නිසා විමර්ශන සඳහා පැමිණිමට නොහැකි බවයි.
එහෙත් බටපොළ ප්රාදේශීය සභාව විසින් සිය නිවස විෂබිජානුහරණය කරඇති බව සෞඛ්ය පරික්ෂකවරයා විසින් තහවුරු කළ බව ඔහු පවසනවා.