The Shawshank සහ The Godfather වැනි සම්භාව්‍ය චිත්‍රපට අභිබවා දමිළ භාෂා චිත්‍රපටයක් වන Jai Bhim,IMDb ශ්‍රේණිගත කිරීම්හි ඉහළටම පැමිණ තිබෙනවා.
එය දැඩි හින්දු කුල ධුරාවලියේ පහළම සිටින දාලිත්වරුන් මර්දනය පිළිබඳ කතිකාවට ලක් කරන ඉන්දියානු සිනමා පෙළේ නවතම නිර්මාණය ලෙස සැලකෙනවා.චිත්‍රපටය ආරම්භ වන්නේ පොලිස් නිලධාරීන් පිරිසක් සැකකරුවන් කුලය අනුව වෙන් කරන දර්ශනයකින් සහ ඉහළ කුල නියෝජනය කරන සැකකරුවන් ඉවත් කර දාලිත් වැනි පහළම කුල වල මිනිසුන් වෙත ව්‍යාජ චෝදනා ගොනු කරන සිදුවීම් පෙළකින්.
ඉන්දියාවේ ජනගහණයෙන් 20% ක් පමණ නියෝජනය කරන දාලිත් ප්‍රජාව ඔවුන් ආරක්ෂා කිරීම වෙනුවෙන් නීති පැවතියදීත් නිතිපතා විවිධ හිංසාවන්ට ලක්වෙන ජන කොට්ඨාශයක්.
චිත්‍රපටය Jai Bhim ලෙස නම් කර ඇත්තේ යන Long Live Bhim පාඨයේ පරිවර්තනයක් ලෙසයි.
එය ඉන්දියාවේ ආණ්ඩුක්‍රම ව්‍යවස්ථාවේ ප්‍රධාන නිර්මාතෘ ලෙස සැලකෙන එරට ප්‍රථම නීති ඇමතිවරයකු සහ දාලිත් නායකවරයකු ලෙස සැලකෙන BR ඇම්බෙඩ්කාර්ගේ අනුගාමිකයන් විසින් ජනප්‍රිය කරන ලද සටන් පාඨයකි.
TJ ඥානවේල් විසින් අධ්‍යක්ෂණය කළ චිත්‍රපටයේ ප්‍රධාන භූමිකාව දමිළ සිනමාවේ සුපිරි තරුවක් වන සූරියා විසින් රඟ දක්වනු ලබනවා.
