මේ වන විට රෝගාතුර ව රෝහල්ගත ව ප්රතිකාර ලබන පොදුජන පෙරමුණු පාර්ලිමේන්තු මන්ත්රී සමන්ප්රිය හේරත් සිය සේලයින් බෝතලය ද සමඟ අනුප්රාප්තික ජනාධිපතිවරයා තෝරා ගැනීම සඳහා සිදු කෙරෙන ඡන්ද විමසීමට සහභාගී විය.
මෙම ජාතික ලැයිස්තු පාර්ලිමේන්තු මන්ත්රීවරයා පාර්ලිමේන්තු සභා ගර්භයට පැමිණි වහා ම කථානායකවරයා ඔහුගේ සෞඛ්ය තත්ත්වය පිළිබඳ සභාවට පැහැදිලි කර ඔහුට විශේෂ අවස්ථාවක් ලබා දිය හැකි දැ යි විමසා සිටියා.
එහි දී පාර්ලිමේන්තු මන්ත්රීවරුන්ගෙන් ප්රකාශ කෙරුණු එකඟතාව මත පාර්ලිමේන්තු සේවකයන්ගේ සහයෝගයෙන් ඡන්ද පෙට්ටිය අසලට පැමිණි සමන්ප්රිය හේරත් මන්ත්රීවරයා සිය ඡන්දය ප්රකාශ කළා.
මීට අමතර ව කුරුණෑගල දිස්ත්රික් පාර්ලිමේන්තු මන්ත්රී තුෂාර ඉඳුනිල් ඡන්දය ප්රකාශ කිරීමට පැමිණීමේ දී ඔහුගේ ඡන්ද පත්රිකාව රැඳි අත ඉහළට ඔසවා ආචාර කරන අයුරු දක්නට ලැබුණා.
එතෙක් ඡන්දය ප්රකාශ කළ සෑ ම මහජන නියෝජිතයෙකු ම සාමාන්ය අයුරින් ඡන්දය ප්රකාශ කිරීමේ දී ඔහුගේ මෙම ක්රියාව කැපී පෙනෙන සිදුවීමක් වුණා.
![](https://i0.wp.com/www.news19.lk/wp-content/uploads/2022/07/image-16.png?resize=696%2C339&ssl=1)