පොලිස් අණ නොතකා ධාවනය කළ ටිපර් රථයකට මුලතිව්, ධර්මපුරම් ප්‍රදේශයේදී පොලිසිය වෙඩි තබා තිබෙනවා.
පොලිස් මාධ්‍ය ඒකකය සඳහන් කළේ, ඊයේ (14) පස්වරුවේ මෙම වෙඩි තැබීම සිදු කර ඇති බවයි.
ටිපර් රථ පැදවූ රියැදුරා පොලිසියට අවශ්‍යව සිටි සැකකරුවෙක් බවයි වාර්තා වන්නේ.
පොලිසිය ප්‍රකාශ කළේ, ඔහු අවස්ථා කිහිපයකදීම අත්අඩංගුවට ගැනීමට උත්සාහ කළද ඉන් මිදී පලා ගිය අයෙකු බවයි.
ඔඩ්ඩුසුඩාන් පොලිසිය ඊයේ ටිපර් රථයට වෙඩි තැබිමෙන් පසු ඔහු අත් අඩංගුවට ගෙන තිබෙනවා.
සැකකරු කිලිනොචිචිය ප්‍රදේශයේ පදිංචි 21 හැවිරිදි තරුණයෙක් වන අතර, ඔහු අද (15) මුලතිව් අධිකරණයට ඉදිරිපත් කිරිමට නියමිතයි.
