භූමිතෙල් මිල ද ඉදිරි දින කිහිපයේදී අනිවාර්යෙන්ම වැඩි කරන බව විදුලිබල හා බලශක්ති අමාත්‍ය කංචන විජේසේකර පවසනවා
ඒ, ඊයේ (05) දින පාර්ලිමේන්තුව අමතමින්.
භූමිතෙල් ලීටරක් මේ වනවිට අලෙවි කෙරෙනුයේ රුපියල් 87 කට බවත් තෙල් සංස්ථාවට ලීටරයක් වෙනුවෙන් රුපියල් හාරසිය විස්සක් වියදම් වන බවත් අමාත්‍යවරයා එහිදී සඳහන් කර සිටියා.
මේ අතර, ජූනි 09 වැනිදා ජල විදුලිය වෙනුවට ඩීසල් බලාගාර භාවිත කිරීම හා අනුමැතියකින් තොරව විදුලිය කප්පාදු කිරීම සම්බන්ධයෙන් විදුලි ඉංජිනේරුවරුන් දෙදෙනෙකුගේ වැඩ තහනම් කර තිබෙනවා.
ජූනි 09 වැනිදා විදුලිබල පණත පාර්ලිමේන්තුවට ඉදිරිපත් කළ අවස්ථාවේ ඊට විරෝධය පළ කරමින් වෘත්තිය සමිති නියෝජිතයන් මෙම ක්‍රියාමාර්ග සිදුකර ඇති බවයි අනාවරණය වි ඇත්තේ.
ඊට අදාලව මහජන උපයෝගීතා කොමිසම සිදුකළ පරීක්ෂණය පිළිබද විදුලිබල හා බලශක්ති අමාත්‍ය කාංචන විජේසේකර ඊයේ පාර්ලිමේන්තුවේදි අදහස් දැක්වුවා.
