ලෝක වෙළදපොලේ භාණ්ඩ මිල ඉහළ යාම සහ ඩොලරයට සාපේක්ෂව රුපියල ශීඝ්රයෙන් අවප්රමාණයවීම හේතුවෙන් කිරිපිටි, තිරිඟු පිටි, ගෑස් ආදි අත්යවශ්ය භාණ්ඩ සඳහා පැවැති මිල ගණන් අසීමිත ලෙස පසුගිය කාලයේ ඉහළ ගියා.
මෙකී තත්ත්වය පාලනය කිරීම සඳහා රජය විසින් අත්යවශ්ය භාණ්ඩ සඳහා පාලන මිලක් පනවනු ලැබූවත් එය සාර්ථක වූයේ නැහැ.
පාලන මිලක් නියම කිරීමෙන් සිදු වූයේ භාණ්ඩ හිඟවීම සහ වෙළඳසල් අසල දිගු පෝළිම් නිර්මාණය වීමත් පමණි.
එපමණක් නොව, මේ කර්මාන්ත ආශ්රිතව නිර්මාණය වී තිබු ලක්ෂ ගණනක රැකියා අහිමිවීමේ අවදානමක්ද නිර්මාණය වුණා.
ඒ අනුව මිල පාලනයෙන් එතෙක් පැවති ආර්ථික තත්ත්වය තවදුරටත් උග්රවීමත් පොලිම් ක්රමයක් ඇතිවීමත් දක්නට ලැබුණා.
එම නිසා කිරිපිටි ඇතුළු අත්යවශ්ය භාණ්ඩ සඳහා පනවා තිබු පාලන මිල ඉවත් කිරීමට රජය තිරණය කළා.
මේ හේතුවෙන් මෙතෙක් වෙළඳසැල් අසල පැවති දිගු පෝළිම් ක්රමයෙන් අඩුවෙමින් පවතින අතර ඇතැම් ස්ථානවල මෙතෙක් පැවති පෝලිම් අවසන්ව තිබෙනවා.
ඉල්ලුමට අනුව භාණ්ඩ සැපයුමක් පැවතීම හේතුවෙන් අපහසුවකින් තොරව පාරිභෝගිකයන්ට භාණ්ඩ මිලදී ගැනීමට ඇති හැකියාව මෙම තත්ත්වයට හේතුවී ඇති බවයි වාර්තා වන්නේ.
මේ නිසා කිරිපිටි, තිරිඟු පිටි, ගෑස් ආදි අත්යවශ්ය භාණ්ඩ හිඟයකින් තොරව , පෝළිම් කරදරයෙන් මිදී වෙළඳපොළේ පවතින සැබෑ මිලටම මිලදී ගැනීමට මේ වන විට පාරිභෝගියන්ට හැකිවී ඇති බවට අප ප්රාදේශීය වාර්තාකරුවන් පවසනවා.