මහනුවර ප්‍රදේශයේ කොවිඩ් එන්නත්කරණ වැඩසටහන යටතේ ලබා දෙන එන්නතෙහි පළමු මාත්‍රාව පමණක් වුව ද ලබා ගැනීමට කැමති යැයි අත්සන් ලබා ගෙන ජනතාවට එන්නත් ලබා දී ඇතැයි වාර්තා වනවා.
Sputnik V එන්නත එම ප්‍රදේශයේ ජනතාවට එන්නත් කර තිබූ අතර ‘ස්පුට්නික්-V එන්නත පළමු මාත්‍රාව පමණක් වුව ද ලබා ගැනීමට මම කැමැත්තෙමි’ යනුවෙන් මුද්‍රාවක් එන්නත ලබා ගැනීමට කැමැත්ත ප්‍රකාශ කිරීමේ පත්‍රයට ඇතුළත් කර තිබිණි.
මේ පිළිබඳව අද (01) රජයේ ප්‍රවෘත්ති දෙපාර්තුමේන්තුවේ පැවති අමාත්‍ය මණ්ඩල තීරණ දැනුම්දීමේ මාධ්‍ය හමුවේදී මාධ්‍යවේදියෙකු මේ සම්බන්ධයෙන් විමසූ විට අමාත්‍ය කෙහෙළිය රඹුක්වැල්ල මහතා ප්‍රකාශ කර සිටියේ
මහජන සෞඛ්‍ය පිළිබද නියෝජ්‍ය සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය හේමන්ත හේරත් මහතා සහ රජයේ වෛද්‍යවරුන් මෙය තමන්ගේ අනුදැනුමකින් සිදු නොවූ බවට පවසන පසුබිමක සහ ස්පුට්නික් එන්නතේ මාත්‍රා දෙක එකෙනෙකින් වෙනස් බව පැවසෙන පසුබිමක මෙම තීරණය ගනු ලැබුවේ කවුරුන් විසින්ද යන්න මාධ්‍යවේදීන් විමසා සිටීමේදී අමාත්‍ය කෙහෙළිය රඹුක්වැල්ල මහතා පවසා සිටියේ මෙම තීරණය ගනු ලැබුවේ විශේෂඥ කමීටුවක් සමගින් සිදු කරන ලද සාකච්ඡාවකින් අනතුරුව බවයි.
කෙසේ නමුත් මේ සම්බන්ධයෙන් විමසිය යුත්තේ තමන්ගෙන් නොව හේමන්ත හේරත් මහතාගෙන් බව අමාත්‍ය කෙහෙළිය රඹුක්වැල්ල මහතා පවසා සිටියා.
සබැඳි ලිපි..
