පරිසර විනාශය සහ විෂ පොල්තෙල් ගැන කතා පතුරුවමින් විපක්ෂය උත්සාහ කරන්නේ ජනාධිපති ගෝඨාභය රාජපක්ෂ මහතාගේ “ගම සමග පිළිසඳර” වැඩසටහනට එරෙහිව ජනතාව රැවැට්ටවීමට බව අමාත්ය රෝහිත අබේගුණවර්ධන මහතා පවසයි
ඒ මහතා මේ බව පැවසුවේ ඊයේ (01) මාධ්ය වෙත අදහස් දක්වමින්.
“කොහෙ හරි කොට ලොරියක් අල්ලාගන්නවා කැලෑ කපනවා කියනවා. පොල්තෙල් සම්බන්ධයෙන් කතිකාවක් ඇතිකරනවා, ඒ කරලා බලනවා මුළු රටටම පුළුවන් කමක් තියෙනවද විෂබීජයක් අරින්න කියලා.
එතකොට මේ සියල්ලම කරන්නෙ මොකක්වත් හින්දා නෙමෙයි අතිගරු ජනාධිපති ගෝඨාභය රාජපක්ෂ මැතිතුමා සතියකට සැරයක් යනවා ගම්වලට. ජනතාවගේ ප්රශ්නවලට ඇහුම්කන් දීලා ඒ වගකීම කරනවා. අපි අවංකවම පැහැදිලිවම කරන ඒ වැඩපිළිවෙලට විපක්ෂය බලනවා මොනවා හරි කියලා පුළුවන්ද කියලා ජනතාව රවට්ටන්න.
අපි පැහැදිලිව කියනවා ජනතාව රවට්ටන්න කොච්චර උත්සාහ කෙරුවත් ජනතාව බුද්ධිමත්ව කටයුතු කරනවා, ඒ ගැන වගකීමක් තියෙනවා අපට” යැයි ඔහු පවසයි.