අද (26) සිට ලබන පෙබරවාරි 17 වැනිදා දක්වා අපොස උසස් පෙළ විභාගය පැවැත්වෙන කාලය තුළදී කිසිඳු විදුලිය විසන්ධි කිරීමේ ඉල්ලීමකට මහජන උපයෝගීතා කොමිසම අනුමැතිය නොදෙන බව මහජන උපයෝගිතා කොමිසමේ සභාපති ජනක රත්නායක මහතා මානව හිමිකම් කොමිසමට ලිඛිතව දැනුම් දී තිබෙනවා.
ඒ ඊයේ (25) ශ්‍රී ලංකා මානව හිමිකම් කොමිෂන් සභාව නිකුත් කළ ඇති විධානයට අනුවයි.
ඊයේ (25) දින සිට උසස් පෙළ විභාගය අවසන් වන තෙක් අඛණ්ඩව විදුලිය සැපයිය යුතු යැයි ද විදුලිබල මණ්ඩලයට නියෝගයක් නිකුත් කර ඇති බවද එම ලිපියේ පෙන්වා දී තිබෙනවා.
අදාළ ලිපියේ වැඩිදුරටත් සඳහන් කර ඇත්තේ ලංකා විදුලිබල මණ්ඩලය එම නියෝගය ක්‍රියාත්මක කිරීමට අපොහොසත් වුවහොත් ලංකා විදුලිබල මණ්ඩල පනත යටතේ නීතිමය ක්‍රියාමාර්ග ගන්නා බවයි.
