මොන යම් හේතුවක් මත හෝ ගුරුවරුන්ගේ හෝ පාසල් සිසුන්ගේ ඇඳුමෙහි කිසිදු වෙනසක් සිදු නොකරන බව අධ්‍යාපන අමාත්‍ය සුසිල් ප්‍රේම්ජයන්ත් පවසනවා.
පසුගියදා ගුරු සංගම් ලේකම් ජෝශප් ස්ටාර්ලින් මහතා විසින් අධ්‍යාපන අමාත්‍යංශයේ ලේකම්වරයා වෙත ලිපියක් යොමු කරමින් ඉල්ලා සිටියේ ගුරුවරුන් හටද රාජ්‍ය පරිපාලන චක්‍රලේඛය අනුව සුදුසු ඇදුමකින් පාසල වෙත පැමිණීමට අවස්ථාව ලබාදෙන ලෙසයි.
මීට කුපිත වූ සංඝයා වහන්සේ කිහිප නමක් ජෝසප් ස්ටාර්ලින් මහතා හට දැඩිව දෝෂාරෝපණය කරමින් ඊයේ (03) මාධ්‍ය වෙත අදහස් පලකර තිබුණා.
අප කළ සොයා බැලීමකදී වාර්තා වූයේ මෙම භික්ෂූන් වහන්සේලාගෙන් මෙම අදහස් ලබාගෙන ඇත්තේ මාධ්‍ය නාලිකා නොව අධ්‍යාපන අමාත්‍යංශයේ මාධ්‍ය අංශයෙන්ම බවයි.
ඒ අනුව අද දිනයේ මාධ්‍ය වෙත අමාත්‍යවරයා අදහස් දක්වමින් එම සංඝායා වහන්සේලාගේ අදහස අනුමත කරමින් ගුරුවරුන්ගේ ඇඳුමෙහි වෙනසක් සිදු නොකරන බව පවසා තිබෙනවා.
