අනාගතයේ උපදින දරුවන් වෙනුවෙන් සිදුවන සංවර්ධනයට යොදවන මුදල් අවභාවිතා කළහොත් ඊළඟ ආත්මයේ ඉපදෙන්නේ කුම්භාණ්ඩයන් වී බව නැගෙනහිර පළාත් ආණ්ඩුකාර අනුරාධා යහම්පත් මහත්මිය පවසනවා.
‘වැව්ගම් පුබුදුව’ ව්යාපෘතියේ ත්රිකුණාමල දිස්ත්රික් ප්රගති සමාලෝචන රැස්වීමට සහභාගී වෙමින් ඇය මෙම අදහස් පලකළා.
ආණ්ඩුකාරවරිය මෙහිදී පෙන්වා දුන්නේ එලෙස මහජන මුදල් අවභාවිතා නොකර මතු අත්භවය සඳහා පිං පමුණුවාගන්නා ලෙසයි.
මෙම ව්යාපෘතිවලට අදාළව සිනි ප්රමිතියකින් තොරව ඉදිකිරීම් කටයුතු සිදුකරන කොන්ත්රාත් සමාගම් වහාම ඉවත්කර නිවැරදි ක්රමවේදයක් යටතේ යළි කොන්ත්රාත්කරුවන් තෝරාගැනීමටද කටයුතු කරන බවට අනුරාධා යහම්පත් මහත්මිය පවසනවා.
මෙහිදී වැඩිදුරටත් අදහස් දැක්වූ ආණ්ඩුකාරවරිය,
“අපිට විදෙස් රටවල්වලින් ලැබෙන ආධාර හැම සතයක්ම අපි ප්රයෝජනයට ගන්න ඕනේ. නිකං ලැබුණා කියලා මේ මුදල් නිකරුණේ නාස්ති වෙන්න දෙන්න බැහැ. මේ ව්යපෘතිය පටන් අරගෙන දැන් අවුරුදු 4 ක්. මෙහි වැඩ සිදුවෙන්නේ ඉතා මන්දගාමීව කියලා ගොවි ජනතාවගෙන් චෝදනා තියෙනවා. අපිට මේ වැව් අහම්බෙන් හරි දෙවියන්ගෙන් හරි ලැබුණු දේවල් නෙවෙයි. මේවා අපේ මුතුන් මිත්තන්ගේ නිර්මාන. නමුත් කියන්න කණගාටුයි අද ජලය නඩත්තු කරන ව්යාපෘති ගේන තරමට අපේ ජල කළමණාකරණය පහත වැටිලා. දැන් කරන්න දෙයක් නැහැ. අපි අතින් වැරදුණු තැන් හදාගෙන ඉදිරියට යමු. මොන දේ කරලා හරි ගොවියාට වතුර ටික දෙන්න බැරිනම් අපි මේ රැස්වීම්වල මැජික් කරලා වැඩක් නැහැ.”