තලේබාන් සංවිධානයට විරුද්ධව ඇෆ්ගනිස්තානයේ නගර පුරා විවිධ හේතු මත පැවැත්වෙන උද්ඝෝෂණ තවදුරටත් ඉහළ ගොස් තිබෙනවා.
විදෙස් වාර්තා වල සදහන් වන්නේ තවත් එක් උද්ඝෝෂණයක් පෙරේදා කන්දහාරයේදී පවත්වා ඇති බවයි.
එම උද්ඝෝෂණයට හේතුව වසර ගණනාවක් රජයේ ඉඩමිවල පදිංචිව සිටි පුද්ගලයන් ඉන් ඉවත් කිරීමට තලේබාන් පාලකයන් උත්සහ දැරීමයි.
තලේබාන් පාලකයන්ගේ ක්රියාවලට එරෙහිව ඇෆ්ගනිස්තානයේ නගර පුරා මෙවන් උද්ඝෝෂණ දිනපතා වාර්තා වන අතර ඇතැම් අවස්ථාවල ඒවා දරුණු ලෙස මර්දනය කෙරෙනවා.
මේ හේතුවෙන් සාමකාමී උද්ඝෝෂණවලට ඇති අයිතිය තහවුරු කරන ලෙස එක්සත් ජාතීන්ගේ මානව හිමිකම් කොමසාරිස්වරියද පසුගියදා තලේබාන් පාලනය වෙත අවධාරණය කළා.